Sexta, 24 Setembru 2021 | Login
Faustino Cardoso. Foto Pedro Alves/INDEPENDENTE Faustino Cardoso. Foto Pedro Alves/INDEPENDENTE

Faustino Prontu Troka Tomas Cabral Okupa Pasta MAE Featured

DILI:Atual Presidente Komisaun Funsaun Públika (KFP) Faustino Cardoso sei okupa pasta Ministru Administrasaun Estatal (MAE) hodi kompleta estrutura VIII Governu Konstituisional ne’ebé Presidente Repúbika pendente hela.

Tuir lista anterior pendente, Tomas Cabral husi partidu CNRT mak assume kargu Ministru Administrasaun Estatal (MAE). 

Entretantu Primeiru Ministru Taur Matan Ruak aprezenta fali ona lista foun ba Presidente Republika Francisco Guteres Lu’olo hodi nomeia ba simu pose.

"Ohin hasuru-malu ho  Primeiru Minstru ko'alia mos kona-ba naran ba iha kompleta membru Governu nune'e los ha’u nia naran tama iha neeba, maibé agora husik ba Exelensia Prezdente Repúblika nia kompeténsia atu haree hodi ikus mai halo nomeasaun no ohin ko'alia mos kona-ba karik nomeasaun signifika atu hanoin mos oinsa labele husik mamuk lideransa Komisaun Funsaun Publika,"dehan nia hafoin hasoru-malu ho Primeiru Ministru Taur Matan Ruak iha Palasiu Governu, (04/05).

Eis Presidente Komisaun Nasional Eleisaun (CNE) ne’e dehan, nia naran tama iha lista tanba hetan asetasaun ho Primeiru Ministru.

"Disponivel atu ba iha ne'eba se naran ba iha ne'eba ona signifika hetan mos aseitasaun husi ema ne’ebé naran ba iha ne’eba,"tenik nia.

Read 3055 times
Rate this item
(0 votes)