Sexta, 25 Juñu 2021 | Login
Manifestasaun FMTL ezije Ministeriu Justisa hapara inisiativa  kriminaliza lei difmasaun. Foto antigu. Manifestasaun FMTL ezije Ministeriu Justisa hapara inisiativa kriminaliza lei difmasaun. Foto antigu.

Fasilita Ema ba Munisipiu, FMTL Husu Governu Aumenta Sentru Swab Featured

DILI: Front Mahasiswa Timor-Leste (FMTL) rekomenda ba Governu atu aumenta kria sentru teste swab ba estudante sira no komunidade sira ne’ebé hakarak fila ba ida-idak nia Munisipiu.

Rekomendasaun FMTL ne’e, relasiona ho situasaun atual ne’ebé akontese iha loron 2 fulan-Abril tinan 2021, komunidade balun husu excodus ba sira nia idaidak ba Munisipio ho razaun hanesan hamlaha no laiha osan atu selu kos. Rajaun seluk iha sidadaun ida hakotu nia peregrinasaun iha mundu ho dalan tara an tanba hahán laiha.

“Ami sujere atu kria sentru tolu ka hat iha Dili para fasilita teste ba Swab test ba estudante, universitáriu sira no komunidades hirak ne’ebé orijen husi Munisipiu seluk ne'ebé hakarak fila ba munisipiu, no bele loke komunikasaun ho autoridade sira ne’ebé estudante sira ne’e destina an ba iha Ambitu Estado Emergensia (Serca Sanitária no Confinamento Obrigatório),”dehan portavoz FMTL Novelino dos Santos liuhusi nia karta komunidade ne’ebé online Independente asesu, sábdu ohin (3/4).

FMTL rekoñese katak desizaun ida ne’e difisil duni tanba iha parte ida ema  hotu hakarak hapara propagasaun surtu ida ne’e maibé parte seluk mós ezije atu buka solusaun loloos. Nune’e, FMTL husu autoridade sira bele uza nafatin kanál ne’ebé durante ne’e iha tiha ona, ne’ebé hotu-hotu tenke hetan permisaun husi SIJK atu fasilita sidadaun hirak ne’e sai husi Dili.

Husu mós ba autoridade sira atu atua situasaun tomak ho kalma. Masimu atensaun maibé rapida atu prevene situasaun monu tama iha sirkuntansia ne'ebé ultrapasa kapasidade kontrolu nian.

Enkoraja atu Governu no deputadu sira halo servisu alina ho statuta emerjensia Estadu nian. Labele Estadu mak emerjensia maibé atuasaun la emerjénsia entermus apoiu nesesidade ba sidadaun sira ne'ebé presiza liu no vulneravel liu.

“Ami hanoin katak Rekomendasaun ne’ebé ami rekomenda maske iha risku maibé kompara ho la permite sira sai husi Dili ninian risku boot demais, bele provoka frustasaun, konflitu, hamlaha no bele de’it situasaun bele muda an ba iha disobidensia sosiál”.

Aliende ne’e, FMTL hakarak sauda no louva esforsu sira VIII Governu Konstitusionál ba prevensaun sortu Covid 19, ho medidas Serka Sanitaria no konfinamentu obrigatoriu nudar meius jerais ba prevensaun ba sirkulasaun Virus covid-19 iha Munispiu Dili.

Apresia autoridade seguransa ne’ebé esforsu makaas los hodi impoen regras orden protokullu tuir protokolu Saude mundial nian hodi evita moras aat daet no buras iha ita rain doben Timor-Leste.

Tanba kazu ne’e nudar kazu importadu husi frontera tereste mosu uluk iha Munisipiu Covalima, bainhira detekta katak kazu ne’e iha ona governu implementa kedas serka sanitariu iha munisipiu Covalima inklui Bobonaru atu trava virus refere labele alastra ba Munisipiu seluk.

Maske nune’e virus ne’e kontinua alastra ba Munisipiu Dili tanba sidadaun balun liu husi dalan illegal nomos legal, bainhira detekta katak kazu pozitivu iha ona, Governu kontinua aplika Serka Sanitariu iha Dili ba dala 12.

 

Jornalista: Saturnina da Costa

Editor: Jose Sarito Amaral

Read 588 times
Rate this item
(0 votes)