Sexta, 25 Juñu 2021 | Login
Koveirus óbitu falun hela mate isin FR. Koveirus óbitu falun hela mate isin FR.

Familia Matebian FR Kolabora Ona Ho SIJK Hodi Ba Haloot Mate Isin Iha Munisipiu Lautem Featured

DILI:Familia matebian Filipe Ramos kolabora ona ho Sala Situasaun Sentru Integradu Jestaun Krize (SIJK) ohin (16/05), intrega ona mate isin hodi ba haloot iha rai moris fatin, Munispiu Lautem.

Tuir koordenador Pillar I Narsizio Fernandes, hatete familia deside atu mate isin ba haloot iha Munispiu Lautem.

“Familia kolabora ona parte Governu liu husi Sala Situasaun Sentru Integradu Jestaun Krize (SIJK, hodi deside ba haloot mate isin iha munispiu Lautem, tuir protoloku Organizasaun Mundial Saúde nian,”dehan nia iha Izolamentu Vera Cruz, domingo ohin (16/05).

Entretantu matebian mate iha loron 15 fulan-Maio iha servisu fatin DIAMOND WORKSHOP Fatuhada Dili.

Hafoin ekipa konjunta saúde sira to’o halo teste swab, rezultadu hatudu matebian mate ho Covid-19.

Ho nune’e ema ne’ebé mate ho Covid-19 hamutuk na’in 10 kompostu husi feto na’in 3 no mane na’in 7.

 

Asistente Editor: Saturnina da Costa

Read 360 times Last modified on Segunda, 17 Maiu 2021 15:37
Rate this item
(0 votes)