Ministru Kombatente Libertasaun Nasionál Gil da Costa "Oan Soru" hatete, impletasaun orsamentu tinan 2025 ne'ebé to'o ona trimestre daruak, sei kiik tanba pagamentu ba veteranus sira ne'ebé rejistu iha 2009 seida'uk la'o.
"Implementasaun emprinsipiu ami mak persentajem sei kiik liu, tanba pagamentu ba segundu rejistu ne'ebé dadaun ne’e mosu hela reklamasaun no kontestasaun seida’uk halo, no fulan Dezembru dala ruma halo pagamentu ne'e nia persentajem sae ona," dehan Ministru ba Jornalista sira iha resintu MF Aitarak-laran, Kuarta (07/08).
Ministru Gil Oan Soru esplika, dadaun ne'e ezekusaun MAKLN foin to’o pursentu 27, no husi pursentu ne'e aloka ba programa sira hanesan kontrusaun jardim ba herois sira ne'ebé dadaun ne'e la'o hela, pagamentu ba pensaun, maibé pagamentu ba segundu rejistu ne'e seida'uk no sei halo iha fulan Dezembro 2025.
Enkuantu, Orsamentu MAKLN nia iha tinna 2025, ho montante $207.069.136 fahe bá kategoria Saláriu no Vensimentu $1.787.636, Bens no Servisu $5.949.982, Transferênsia Públika $195.515.922, Kapitál Menór $76.000 no Kapitál Dezenvolvimentu $3.739.596.
