Kinta, 22 Abril 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-04-21&metrics=ga%3Avisits&dimensions=ga%3Ayear&start-index=1&max-results=1000: (403) Quota exceeded for quota metric 'Queries' and limit 'Queries per day' of service 'analytics.googleapis.com' for consumer 'project_number:402577812915'.
Ema Ne'ebe Labele Haree Mundu Nia Furak. Foto INDEPENDENTE/Jacinto Xavier Ema Ne'ebe Labele Haree Mundu Nia Furak. Foto INDEPENDENTE/Jacinto Xavier

Estadu Emerjénsia: Oinsa Ema Ne’ebé Labele Haree Nia Halerik Featured

DILI: Imajina bainhira labele haree oinsa atu bele augenta hasoru situasaun ne’ebé Timor-Leste infrenta. Sira halerik no susar atu hetan aihan durante periodu Estadu Emerjénsia ne’ebé inserteja hela.

Ema ho defisensia matan iha Sentru Dezenvolvimentu Inkluzivu Timor-Leste (CDITL), sente triste tebes tanba iha Estadu Emerjénsia, sira susar atu hetan aihan hodi sobre vive iha situasaun ne’e.

Matinho Guterres ema defisiensia matan hatete, hanesan Timor-oan prontu apoiu desizaun estadu nian hodi implementa Estadu Emerjénsia atu bele prevene Corona Virus (COVID-19), iha rai laran.

Implementasaun Estadu Emerjénsia iha fulan ida  nia laran ne’e halo ema ho defisiensia sira sai marjinalizadu liután, tanba defisil atu hetan nesesidade baziku hanesan hahán hodi hatutan moris.

“Durante iha situasaun normal de’it ami laiha ona rendimentu atu hatutan moris, iha situasaun ida ne’e halo ami moris sai marjinalizadu liután hasoru situasaun ne’e,”dehan nia, iha CDITL Bekusi-Kakeu Laran, horisehik.

Martinho hateten, iha situasaun ne’e laiha ona asesibilidade, ka laiha movimentasaun entaun defisil hetan hahán ruma atu hán iha periodu ida ne’e.

Iha fatin hanesan Inosencio da Costa ne’ebé reprejenta defisiensia hotu-hotu katak, iha situasaun ne’e maluk defisiensia sira iha area rural hasoru situasaun ne’ebé susar tebes tanba la asesu ba informasaun, la iha hahán ba sira, dala ruma mosu diskriminasaun husi familia sira, situasaun ne’e sai preokupasaun boot atu bele haree.

“Ami hanesan sidadaun orientasaun saida de’it husi governu pronto atu kontribui, maibé preokupasaun boot liu maka ami nia maluk sira iha area remotas, susar asesu ba buat hotu, entaun ami maka terus liu hodi hasoru pandemia Corona Virus ida ne’e,”dehan nia.

Nia informa, Estadu Emerjénsia fulan ida de’it susar ona atu moris, maibé agora posibilidade atu extende tan, entaun husu ba governu atu kria netik kondisaun ba ema ho defisiensia sira.

“Iha Estadu Emerjénsia ida ne’e ema seidauk ajuda ami, ami iha subsidiu ba invalidez nian maibé iha situasaun agora ne’e labele responde ba buat hotu,”

Dadús ema ho defisiensia iha Timor laran tomak hamutuk ema na’in rihun 48, husi númeru ne’e pursentu lima maka asesu ba kampu servisu ne’ebé iha netik rendimentu hodi moris maibé seluk laiha.

 

Read 2294 times
Rate this item
(0 votes)