Kuarta, 20 Outubru 2021 | Login
Ministra Edukasaun Juventude no Desportu, Dulce de Jesus Soares, iha konferensia ba imprensa, kuarta (8/4), iha CCD Dili. Foto Jonio da Costa/INDEPENDENTE Ministra Edukasaun Juventude no Desportu, Dulce de Jesus Soares, iha konferensia ba imprensa, kuarta (8/4), iha CCD Dili. Foto Jonio da Costa/INDEPENDENTE

Estadu Emerjénsia: MEJD Adia Ezame Trimestrál Dahuluk Featured

DILI:Ministériu Edukasaun Juventude no Desportu (MEJD) anunsia adiamente ba ezame trimestral dahuluk iha tinan letivu 2020 ba estudante sira husi Pre-Eskolár too Tékniku Vokasionál relasiona ho implementasaun Estadu Emerjénsia fulan ida.

Tuir kalendariu ezame trimestral sei akontese iha loron 13 too 18 fulan-Abril, maibé adia ba loron 20 too 25 fulan ida ne’e.

“MEJD hatoo prova avaliasaun ne’e ba primeiru periodu tuir kalendariu eskolár prova ne’e sei halo semana oin dia 13 to’o dia 18 maibé sei hatuun despaixu ida muda prova periodu ne’e karik muda ba 20 to’o 25 fulan-Abril no bele muda ba fulan-Maiu,”deklara Ministra Edukasaun Juventude no Desportu, Dulce de Jesus Soares, kuarta ohin, iha sentru konvesaun Dili.

Maski MEJ adia ezame trimestral dahuluk ne’e, maibé MEJD sei esforsu hodi fasilita nafatin estudante sira atu estuda nafatin iha uma.

MEJD kria ona programa eskola ba uma hodi fó sai iha kanál televizaun Facebook no Youtube atu estudante sira akompaña iha uma.

Nia dehan, obrigatóriu estudante sira akompaña programa sira ne’e tuir kurikulu nasionál primeiru periodu nian.

Ministra ne’e mós rekoñese katak iha Timor-Leste seidauk iha fasilidade online hanesan iha nasaun dezenvolvidu sira maibé Governu no inan-aman sira fasilita estudante sira bele aprende liuhusi kanál Televizaun.

Read 7078 times Last modified on Kuarta, 08 Abril 2020 18:34
Rate this item
(0 votes)