Ema Na’in 986 Sei Kumpri Loron 14 iha Karantina Featured

By Elsa Belinha Abril 07, 2020 2290
Eis PM Xanana Gusmao koalia ho estudante sira ne'ebe remata ona sira nia loron karantina. Foto INDEPENDENTE Eis PM Xanana Gusmao koalia ho estudante sira ne'ebe remata ona sira nia loron karantina. Foto INDEPENDENTE

DILI: Sidadaun ne’ebé mai husi nasaun afetadu Covid-19 sei kumpri loron 14 iha karantina no auto karantina atu hetan asisténsia husi pessoal saúde sira.

Diretora Jerál Prestasaun Saúde Odete Viegas da Silva hatete, situasaun atual ba ema ne’ebé iha  karantina hamutuk 986 kompostu husi karantina obrigatoriu hamutuk  867 no ema ne’ebé halo auto karantina iha uma hamutuk 119 hodi hetan observasaun husi médiku sira.

“Ema ne’ebé halo karantina obrigatoriu iha Dili hamutuk 742, karantina obrigatoriu iha munisipiu 125,”dehan nia iha CCD, horisehik.

Nia dehan ema ne’ebé halo auto karantina iha Dili hamutuk  60 no ema ne’ebé halo auto karantina iha munisipiu hamutuk 59. Tanba ne’e ema ne’ebé maka halo auto karantina iha uma ne’e hamutuk 119.

Nia mós informa katak ema ne’ebé kumpri ona loron 14 iha karantina obrigatoriu hamutuk 692, kompostu husi Dili hamutuk 590 no iha Munisipiu hamutuk 102.

Nia informa katak, kazu izolamentu diagnostiku laboratoriu laiha mudansa nafatin pozitivu 1, suspeitu 44, provavel rua no negativu 41.

Nia apela ba sira ne’ebé sai ona husi karantina no ba komunidade tomak mantein nafatin regras medidas preventivas sira ne’e hodi kumpri.

Rate this item
(0 votes)

Independente Digital TV