Husi numeru ne’e, total 25.000 liu mak simu ona doze daruak kompostu husi munisipiu sira hamutuk 11.000 no iha Dili hamutuk 14.000.

“Kampaña vasinasaun aselera makas iha semana hirak liu ba, iha loron balun ho media ita halo 4.000 vasina Covid-19 doze dahuluk iha Dili,”dehan nia iha konferensia imprensa, iha salaun MSSI Kaikoli Dili, sesta ohin (25/06).

Tanba ne’e, Governu nafatin enkoraja ba sidadaun ho tinan 18 ba leten no tinan 60 ba atu simu vasina, hodi proteze an husi moras Covid-19.

“Ita kontinua enkoraja sira hotu ho tinan 60 ba leten no sira ho komorbidade atu simu vasina hodi proteze sira nia an husi Covid-19,” tenik nia.

Entretantu, sidadaun ne’ebé iha Kapital Dili simu ona vasina AstraZeneca doze dahuluk hamutuk 107,609 hanesan ho pursentu 50 (50%) no doze daruak hamutuk 13,815 hanesan ho pursentu 7 (7%).

Aliende, populasaun iha munisipiu sira seluk ne’ebé simu AstraZeneca doze dahuluk 65,028 (12%) no doze daruak 11,268 (2%).

Enkuantu, total populasaun ho idade 18 ba leten iha Dili, ne’ebé simu ona vasina hahú iha loron 7 fulan-Abril to’o loron 23 fulan-Juñu hamutuk 213,800 kompostu husi AstraZeneca ne’ebé fasilita husi Covax Facility hamutuk 15,835, AstraZeneca husi Australia 79,158 no Sinovac husi Xina 12,616.

Husi total vasina AstraZeneca husi Covax Facility, Australia no Sinovac 107,609.

Vasinasaun iha munisipiu hamutuk 76,296 doze, fahe ba doze dahuluk 65,028 no doze daruak hamutuk 11,268.

Enkuantu, hahú inisiu implementa vasina, seidauk iha ema ida mak hetan grave hafoin vasina.

Asistente Editor: Saturnina da Costa