Sábadu, 31 Jullu 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-07-30&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Xanana Simu Vasina Sinovac doze dahuluk iha Kliika Fatumeta. Foto:Independente. Xanana Simu Vasina Sinovac doze dahuluk iha Kliika Fatumeta. Foto:Independente.

Eis-PM Xanana Kompleta Ona Vasina Sinovac Doze Daruak Featured

DILI: Eis-Primeiru Ministru Kayrala Xanana Gusmão, kompleta ona vasina Sinovac doze daruak iha Klinika Nossa Senhora de Fátima, Fatumeta Dili, kuarta ohin (21/07).

Hafoin simu vasina Sinovac, Lider Karismatiku ne’e hato’o mensajen ba povu tomak atu labele tauk hodi hakat ba postu vasina atu hodi simu vasina.

Tanba realidade hatudu iha mundu, ema tokon mate tanba moras Covid-19, balun moras hela no balun rekuperadu ona.

“Ita nia sorti ne’e mak, ita nia illa ida ne'e ema latama, tanba Covid-19 ne'e importadu, maibé husu ba ita hotu atu nafatin kuidadu aan ba,” dehan nia iha Klinika Fatumeta.

 Enkuantu, Xanana mós husu ba autoridade komunitaria atu halo sensibilizasaun ba ida-idak nia komunidade hodi hakbesik aan ba iha postu saúde sira ne’ebé besik atu bele simu  vasina.

 Entretantu, husi vasina Sinovac doze daruak ohin ne’e,  Xanana mós simu vasina Sinovac doze dahuluk iha loron 24 fulan-Juñu tinan ne’e.

Enkuantu, tuir dadus ema ho idade 18 ba leten ne’ebé simu ona vasina iha teritoriu laran tomak to’o loron 21 fulan-Jullu, hamutuk 253,780 (33,6%) no doze daruak 65,707 (8,7%).

Read 170 times
Rate this item
(0 votes)