EhD-Idozu ne’ebé moras, MSSI-BNCTL sei halo pagamentu iha uma Featured

By Ivonia Varela Marsu 12, 2024 648
INSS-BNCTL asina Akordu hodi halo pagamentu ba pensaun sosial kada fulan, Foto: INDEPENDENTE/ Nuno INSS-BNCTL asina Akordu hodi halo pagamentu ba pensaun sosial kada fulan, Foto: INDEPENDENTE/ Nuno

DILI: Ema ho Difisiensia (EhD) no Idozu sira ne’ebé moras la labele la’o atu simu bolsa husi Ministériu Solidariedade Sosiál no Inkluzaun (MSSI) liu husi Institutu Nasionál Seguransa Sosial (INSS), ho Banku Nasional Komérsiu Timor-Leste (BNCTL) sei halo pagamentu iha sira-nia uma.

Ministra Solidariedade Sosial no Inkluzaun (MSSI) Verónica Das Dores hatete, benifisisriu sira ne’ebé moras no labele desloka ba fatin pagamentu autoriedade komunitáriu sei alista, entrega ba servisu deskonsentrasaun INSS no Sentru Sosial Munisipal hodi kordena ho BNCTL ba pagementu iha sira-nia uma.
“Hodi nune’e família sira la presiza lori benifisiáriu sira ne’ebé ho kondisaun moras to’o fatin pagamnetu, tanba banku BNCTL ho INSS komprimitidu sei to’o iha benifisiariu sira nia fatin atu halo pagamentu, hafoin pagamentu normal remata,” dehan Ministra iha Edifisiu MSSI Kaikoli, Tersa (12/03).
Enkuantu, ba benifisiáriu sira ne’ebé fila hikas ona ba mundu seluk, Ministra Verónica esplika, MSSI liu-husi INSS rejistu benifisiariu ne’ebé iha deklarasaun de óbitu husi autoriedade kompetente hamutuk na’in 651 ne’ebé kompostu husi EhD 19 no Idozus 632.
Nia saleinta, benifisiariu ne’ebé fila ona ba Aman Maromak, família ne’ebé kuidadu benifisiáriu sei aprezenta deklarasun óbitu ne’ebé hetan asina husi autoriedade suku hodi aprezenta ba BNCTL nian no tuir regulamentu internu BNCTL.
“Tanba ne’e ami konfirma, sira-nia guia de óbitu ne’ebé mak ita nian na’in Xefe Suku no aldeia sira rasik mak aprezenta,” dehan ministra.
Entertantu, benifisiáriu ne’ebé fila ona ba mundu iha tinan 2024 seluk hamutuk 632 ne’ebé kompostu husi Munisípiu Aileu na’in 60, Ainaro 160, Bobonaro 154, Covalima na’in rua (2), Ermera 110, Manufahi 29, Oe-cusse 64 no Viqueque 72.

Rate this item
(0 votes)
Last modified on Kuarta, 13 Marsu 2024 14:44

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31