EE 11: Posibilidade Aplika Iha Teritóriu Nasional, Sei Suspende Atividade Hotu Featured

By Ekipa Independente Marsu 01, 2021 2107
Plenaria Debate Proposta Estensaun EE ba dala-11. Foto: Independente Plenaria Debate Proposta Estensaun EE ba dala-11. Foto: Independente

DILI: Estadu Emergensia (EE) ba dala-11, posibilidade aplika iha teritoriu nasional no sei suspende atividade hotu.

Relasiona ho pandemia Covid-19 ne’ebé afeita ona ba komunidade lokal, nune’e governu husu ona ba Parlamentu Nasional (PN) atu autoriza hodi aplika Estadu Emerjensia (EE) ba dala-11 iha teritoriu nasional.

Tuir pedidu Prezidente Republika, Francisco Guteres Lú-Olo ba Parlamentu Nasional (PN) katak, estensaun Estadu Emerjensia ba dala-11 sei aplika iha teritóriu nasional tomak hanesan ho Estadu Emerjensia ne’ebé aplika ona iha  faze dahuluk iha tinan kotuk.

“ Renovasaun Estadu Emerjensia ba dala-11 ne’ebé atualmente ein-vigor ho fundamental ba situasaun kalamidade públika ba period loron 30, ne’ebé sei hahú iha loron kuinta (4/3) oras 00:00 to’o iha loron sesta (2/4) oras 23:59, sei aplika iha teriróriu nasional nune’e ofisialmente sei suspende atividade hotu,” dehan iha pedidu PR ba PN (1/3).

Pedidu ne’e mós relata, bazeia ba Alinea G artigu 85 KRDTL ne’ebé konjuga ho artigu 6 numéru 1, 9, 10, 11, 15 no 20 inkliu mós Lei numéru 3/2008 de fevereiru fó kompetensia ba PR hodi dekreta ba renovasaun  Estadu Emerjensia.

Entretantu Timor-Lesta agora dadauk rezista ona kazu pozitivu hamutuk 113 nune’e na’in 23 kontinua baixa iha sala izolamentu Vera Cruz no na’in 90 mak rekopera ona no sidadaun ne’ebé hein rezultadu teste laboratoriu hamutuk 177.

Rate this item
(0 votes)
Last modified on Segunda, 01 Marsu 2021 16:19

Independente Digital TV