Items filtered by date: Kinta, 05 Outubru 2023

DILI: Asosiasaun Defisénsia Timor-Leste (ADTL) husu ba IX Governu Konstituisionál atu prepara polítika ida ne'ebé di'ak hodi asegura Ema ho Defisénsia (EhD) iha eseisaun Suku.

Periodikamente Timor-Leste kada tinan lima (5), realiza eleisaun prezidensial, parlamentar, munisipal no suku, ne'ebé organiza husi institiusaun relevante hanesan Sekretariadu Tekniku Administrasaun Eleitoral (STAE) no Komisaun Nasionál ba Eleisaun (CNE).

Manejamentu Programa ADTL, Rosalia Teresa Pereira hatete, tuir observasaun ADTL nia iha terrenu nota katak durante iha eleisaun sira ne'ebé liu hanesan eleisaun prezidensial ho eleisaun parlamentar iha bareira barak mak EhD sira hasoru.

Tan ne'e espetativa ADTL nian ba IX Governu Konstituisionál katak prepara polítika ida ne'ebé di'ak atu nune'e bele hatan ba nesesidade EhD.

“Bele tau ba konsiderasaun liliu iha orsamentu sira ne'ebé kada tinan diskuti iha Parlamentu Nasionál bele konsidara katak ema ho defisénsia sira nia nesesidade ne’e proridade tebes liliu iha eleisaun ne'ebé besik dadaun ona atu mai,” dehan nia iha Salaun João Paulo II Komoro, Kinta (05/10).

Nia hatutan, ema ho defisiénsia matan durante ne’e hetan difikuldade bainhira iha prosesu votasaun sira.

Tanba bainhira votasaun ne'e hotu, ema ne'ebé akompaña vontantes ba vota dalaruma sira mai sei konta fila fali ba ema seluk kata vontantes hakarak vota ba A maibé ema ne'ebé akompaña sira bele vita ba B.

Entaun, ezijensia ba governu mak liliu asesibilidade ba EhD, asesibildade la'os atu foka liu deit EhD fiziku hanesan kria rampa iha fatin votasaun maibé tenki prepara mós nesesidade sira seluk ba EhD ho tipu oioin.

Hanesan defisiensia matan, presiza mós letra braille, atu nunee sira labele iha tan asistensia atu akompaña sira.

Nunee mos Defisiensia tilun, sira labele ba vota ho di'ak tanba la iha tradutora lian jestual, entaun presiza hare EhD nia nesesidade ne'ebé ho tipo oioin nia problema.

Iha fatin hanesan,  Reprezentate Plan Internasionál TL (PITL), Abelita da Silva hatete, bainhira iha eleisaun, hahú husu ukun an to’o agora seidauk kria situasaun ne'ebé diak ba EhD sira.

 “Dalabarak liliu fatin votasaun iha maibe oinsa sira atu asesu susar tebes, tanba bulletin votus halo EhD sira susar atu vota sekretu, tanba sempre iha ema ne'ebé akompaña sira, entaun ne’e la'os ona votu sekretu,” dehan Abelita.

Tan ne’e, PITL hanesan parseiru ho ADTL sujere ba Governu iha tinan lima oin mai bele halo ona mudansa, atu nune'e bele vota ho sekretu hodi bele goja direitu nudar sidadaun.

DILI: Governu Timor-Leste sei halo estudu ba tendensia husi folin kombustivel mundial ne’ebé fó impaktu mós ba folin kombustivel iha rai laran.