Deputadu Bankada CNRT, Natalino dos Santos hatete, hakarak husu pergunta ba Ministru Interior se la sala iha 2026 sei iha reforma obrigatoriu 183 polisia nasionál, saida ona mak MI komandu prepara ona.

“Iha ne’e ha’u hakarak husu pergunta ba Ministru Interior katak iha la sala iha 2026 ne’e sei iha reforma obrigatoriu 183 polisia nasionál, ha’u hakarak halo pergunta saida ona mak ita boot sira prepara purke depois iha promosaun tiha ona presiza duni iha lei remuneratorium ba Polisian Nasionál,” dehan nia, iha Plenaria Parlamentu Nasionál, horisshik.

Tanba ne’e, husu ba ministru atu haree bainhira kuandu reforma ajente sira kuaze 20 itál anos ona sira halo serbisu para protesaun ba estadu maizmumenus preparasaun saida para depois bele garante sira fila-fali bainhira sira reforma ba iha vida sivil.

Hataan ba kestaun ne’e, Ministru Interior, Francisco da Costa Guterres hatete, Kona-ba Depudatu Natalino hanoin la ko’alia bu’at barak mais dehan de’it katak kona-ba rejime remuneratorium sim, iha hela diskusaun jeneral tanba ne’e mak hanesan ohin dehan katak sei haree mós ba kustu de vida nasaun ne’e nian.

“Para haree katak halo bu’at ruma prepara buat ida ne’ebé mak tenke tuir moris nasaun Timor-Leste nian rasik, agora kona-ba sira ne’ebé reforma ne’e prepara ona. Sira ne’ebé reforma ne’e ita prepara ona, iha 2026 ne’e 150 ital sei ba reforma, sira ne’ebé ba reforma ne’e katak sira antes ba reforma ita hadia tiha lai nia rejime salarial ne’e para depois sira kuandu ba reforma karik reforma ho dignu,” nia dehan.

Tanba sira foti sira nia serbisu durante tinan naruk polisia, sira fila ba vida sivil tenke agradese sira ninia dedikasaun liu husi fó reforma dignu ida ba sira, iha ne’e mós Governu prepara hela orsamentu uitoan para atu reintegra fali sira iha komunidade para bele moris iha ne’ebá.

“Ida ne’e mak ita bolu reintegrasaun para depois sira ne’e ba iha ne’ebá mos sira kontinua bele ajuda nafatin komunidade, ajuda instituisaun PNTL atu bele ajuda kria nafatin estabilidade iha komunidade nia leet. Tanba sira hatene tiha ona estadu investe lubuk boot ida ba sira ho matenek ne’ebé iha ne’e fila ba reforma sei kontribui nafatin para hametin paz estabilidade iha komunidade nia leet,” tenik nia.