CLN,I.P Prepara Foos ho Presu Normál Fa’an iha Munisípiu 10 Featured

By Januário Assunção Maiu 06, 2024 369
Diretór CLN,IP Jacinto Paijo. Foto:Google. Diretór CLN,IP Jacinto Paijo. Foto:Google.

DILI: Sentru Lojistika Nasionál Institutu Públiku (CLN,I.P) hahú prepara foos toneladas rihun 1,083 ne'ebé dadaun iha armajen hodi fa’an ba populasaun vulnéravel sira, iha Munisípiu 10 ne’ebé identifika ona.

Diretór CLN,IP Jacinto Paijo hatete, CLN sei halo intervensaun foos ne'ebé sosa ona iha tinan kotuk ne'ebé oras ne'e rai hela iha armazen hodi bele fa’an ba Munisípiu 10 iha tempu badak nia-laran.

“CLN iha ona planu 2024 ne'e, ita sei halo intervensaun iha Munisípiu 10, entaun se Munisípiu ida, ita tenke metade husi toneladas 1000 ba ona Munisípiu sira-ne'e no restu ita asegura hela stock, para haree ba dezastre ruma, depois ita bele atende,” Dehan Diretór CLN,IP Jacinto Paijo ba Jornalista sira, iha servisu fatin Bebora, Sexta (03/05).

Nia dehan, intervensaun ne'ebé CLN sei halo uluk mak komesa husi Oé-cuse, Kovalima, Bobonaro, Aileu, Ainaro, Ermera, Manatuto,Lautém no Baukau.

Entaun CLN sei prepara hela halo tranferénsia ba kada saka tuir Kilograma 25 ho 30 kilograma, hafoin bele lori ba Munisípiu hirak ne'ebé tuir planu ona hodi halo intervensaun merkadu.

“Ita sei over sakas ba karon ne'ebé mak iha, entaun ita tenke troka karon, depois hotu tiha mak ita halo, tanba ita sei iha prosesamentu orsamentu purvolta fulan ida-ne'e nia laran ka inisiu maiu ita hei para implementa,” Nia relata..

Kona-ba presu, nia informa, CLN sei fa’an kada saku ida ho 25kg presu $12 no 30kg ho presu $15 no kada Munisipiu sei lori 2,000 saka ne'ebé fokus ba ema vulneraveis sira mak bele asesu.

Nia salienta, foos ne'ebé CLN sei fa’an iha Munisipiu 10 ne'e la’ós ema hotu hele asesu, maibé ba sira-ne'ebé ema vulnerável sira-ne'ebé laiha kbiik, atu sosa foos ho presu ne'ebé karun iha merkadu.

“Ida-ne'e mak ita prioridade, tanba Ataúro, Vikeke, Dili no Likisa mós seidauk, entaun ita ba uluk Munisipiu 10 ne'e, iha faze primeiru ni’an, depois tuir mai mak ita bele haree,” Nia relata.

Nia reforsa, foos hirak ne'e CLN tenke halo ona intervensaun, tanba foos ne'e labele rai kleur iha armazen, tanba populasaun sira iha baze presiza tebes foos hodi sosa hodi konsumu, tanba konsumu TL ni’an kada ema ida 0,294.

Entaun papél CLN oinsa atu halo intervensaun iha merkadu, maibé la’os, atu hatun presu foos iha merkadu, tanba bainhira presu tun, Timor-Leste tenke iha fábrika proúdsan rasik iha rai-laran.

“Agora ita menús prodúsaun han de'it la to'o, tanba ne'e mak ami lori ba fa’an para pelumenus ajuda netik, maibé la’ós gratis,” Nia informa.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31