Rui relata, bebe nia inan ho aman deteta positivu asintomatiku iha loron 21 fulan-Juñu. No bebe tama iha kategoria kontaktu besik.
Tanba ne’e, iha loron 23 fulan-Juñu bebe hahú hetan isin-manas no mear. Nune’e, ekipa saúde sira halo mós teste PCR dahuluk ba bebe, maibé rezultadu PCR hatudu negativu.
Hafoin, teste PCR daruak iha loron 25 fulan-Juñu rezultadu hatudu bebe hetan positivu Covid-19 ho cycle threshold (CT) N2gene 26,7, Egene 25,3.
Nune’e, médiku sira iha Ospitál Referénsia Eduardo Ximenes Baucau desidi enkamiña mai Vera Cruz, ho dignoze traballu bronchopneuonia. Iha loron 26 fula-Juñu bebe nia kondisaun deterioriza.
“Iha 28 juñu iis-kotu iha Vera Cruz, ho sindroma insufisiénsia respiratória aguda (SIRA), ka susar ou difisil atu dada-iis, tanba Covid-19,’dehan nia iha komunikadu, tersa ohin (29/06).
Nune’e, familia kordena ona ho ekipa saúde atu hala’o funeral tuir protokolu ne’ebé adopta iha Timor-Leste.
Entretantu, tuir dadus ema ne’ebé mate ho Covid-19 hamutuk 22 kompostu husi feto na’in 7 no mane na’in 15, inklui bebe ida.
Asistente Editor: Saturnina da Costa
