Atual Covid-9: Kazu Foun 129, Kazu Ativu Sa’e Ba 1315 Featured

By Saturnina da Costa Maiu 04, 2021 482
Positivu Covid-19. Positivu Covid-19.

DILI:Sala Situasaun Sentru Integradu Jestaun Krize (SIJK) relata ohin loron 04 fulan-maio, ekipa konjunta rezista tan kazu foun na’in 129, nune’e kazu ativu ne’ebé iha Izolamentu sa’e ba 1315

Kordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araujo hatetete, husi kazu foun deteta ohin iha na’in 102 husi Kapital Dili no na’in 27 husi Munisipiu seluk.

“Kazu foun ne’ebé deteta iha mane na’in 89 no feto 40, sira ne’e hotu maioria asintomatiku (76,7%), dehan nia iha komunikadu (04/05).

Husi total kazu detetadu foun ohin 56 (43,3%) mak deteta liuhusi teste ho razaun atu halo viájen ka halo ona viájen  ba munisípiu ka estranjeiru.

Nune’e komulativu kazu konfirmadu sura husi loron 21 fulan-marsu tinan 2020 to’o loron 4 fulan-maio tinan 2021 hamutuk 2,653.

Tanba ne’e kazu rekuperadu ohin loron iha na’in 69.

Husi horiseik mai ohin teste PCR ne'ebé Laboratóriu Nasionál Saúde halo hamutuk 1005, kompostu husi Vijilánsia sentinela 62, Rastreiu ba kontaktu (Contact tracing) 104, Rastreiu Aleatoriu (Random Screening) 438, Viájen sai husi serka sanitária husi Dili 422, Viájen internasionál 39 no Follow up iha kuarentena 30.

Total testes PCR ne’ebé halo horseik 3 maiu iha munisípiu sira seluk hamutuk 464 kompostu husi munisipiu Viqueque 42, Baucau 163, Ermera 53, Maubisse 133, Suai 62 no RAEOA 11.

Teste  follow up ba sira iha fatin izolamentu:  94 (70 negativu ona, 24 sei nafatin pozitivu)

Informasaun husi sala Izolamentu Vera Cruz ba loron ohin, iha pasiente covid-19 na’in 21 halo hela tratamentu, kompostu husi area obstetrisia na’in 5, medisina interna 11 no pediatria 5

Sira na'in 5 iha obstetrisia kategoria moderadu hotu, sira-nia kondisun estável. Sira na'in 11 iha medisina interna, 4 grave uza hotu oksijéniu, 7 moderadu.

Kazu 5 pediatria, 1 grave uza CPAP, 4 moderadu lauza ona oksijéniu.

Rate this item
(0 votes)

Independente Digital TV