Assanami dehan, jornal INDEPENDENTE nu’udar jornal ne’ebé Timor-oan sira rasik mak funda ho nia ain rasik.
“Sira ne’ebé mak hamutuk harii ho situasaun defisil maibé imi konsege la’o, tanba jornal no media mak klamar demokrásia, imi-nia esforsu tomak ne’e, hanesan ne’e, kontinuasaun aswain sira-nia luta par hatur loloos direitu povu nian iha rai ida ne’e, direitu povu nian atu rona informasaun, atu hatene lalaok situasaun iha rai laran, ukun sira ne’e, liu husi media,” dehan nia, iha Parlamentu Nasionál, Tersa (29/03).
Nia husu ba Jornál INDEPENDENTE atu kontinua esforsu hodi fó informasaun ne’ebé kredivel no atual ba públika sira no kontrola nafatin ukun sira-nia servisu no kontinua haburas demokrásia iha rai laran.
“Tanba ne’e ha’u-nia parabens tomak ba imi, imi sente sei kiik, maibé imi-nia servisu durante ne’e kontribui ona ba nasaun no hamoris ona demokrásia ida ne’e, tanba ne’e dala ida tan, ha’u nia parabéns, forsa nafatin, la’o ba oin, imi halo ona buat barak no ba oin kontinua hanoin saida mak imi hakarak oferese ba rai ida ne’e,” dehan nia.
