Assanami: Governu Tenke Rekoñese Labarik Sira nia Luta ba Libertasaun Nasionál

By Aquino Gomes Outubru 11, 2021 888
Deputadu PD, Mariano Assanami Sabino, Foto:Dok. Deputadu PD, Mariano Assanami Sabino, Foto:Dok.

DILI: Bankada Partidu Demokrátiku (PD), iha Parlamentu Nasionál fó hanoin ba governu liu-liu Ministériu Asuntun Kombatente Libertasau Nasisionál (MAKLN), atu rekoñese luta juvenil nian iha tempu rejistensia funu ba libertasaun nasionál nian.

Deputadu PD, Mariano Assanami Sabino hatete, ba dadaun ne’e, governu fó ona rekoñesementu ba funu nain sira nia luta, liu husi atribuisaun medalla, osan no seluk tan.

“Ha’u husu ba governu iha prosesu ne’e presiza rekoñese mós labarik sira ne’ebé uluk kontribui ba funu naruk ida ne’e, ita uluk dala barak uza labarik sira halo servisu, maibé ohin loron tanba haree ba sira nia otas sei ki’ik dala ruma ita la konsidera tiha,” dehan nia, iha PN, tersa foin lalais ne’e.

Assanami dehan, uluk bainhira ema ruma lori kartus ka surat ruma husi rai liur mai, iha ró leten, labarik sira sa’e ba foti hatun, bainhira ema boot ba foti tuun husi ró ema sei revista, entaun uza labarik sira ne’e livre.

Ohin loron ema ida-idak ba trata surat atu hetan rekoñesementu estadu nian, maibé sira balun tinan ki’ik hela entaun ema sei kestiona sira nia partisipasaun. Tanba ne’e husu labele haree sira nia tinan, maibé haree sira nia partisipasaun kuandu haree bele, governu tenke rekoñese.

Kestaun sira ne’e, dala barak sira iha kraik ne’e ejize, maibé ema ladun tau atensaun, tanba ne’e husu ba governu atu haree ba kestaun ne’e.

Entretantu hatan ba preokupasaun ne’e, Ministru Asuntu Parlamentar no Komunikasaun (MAPKOMS), Francisco Jeronimo, anota ona preokupasaun ne’e, no sei hato’o ba ministériu relevante.

Rate this item
(0 votes)

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30