Apoiu Ema Vulneravel: MSSI Distribui Foos ba Armajen Munisipiu Featured

By Rufino Barreto Marsu 07, 2024 935
Diretór Nasional Asistensia no Sosial, Fernando dos Reis. FOTO:INDEPENDENTE/DOK. Diretór Nasional Asistensia no Sosial, Fernando dos Reis. FOTO:INDEPENDENTE/DOK.

DILI: Ministeriu Soliriedade Sosial no Inklusaun (MSSI) distribuisaun foos ba armajen Sentru Soliriedade Sosial munisipiu sira, hodi nune'e bele fó  apoiu ba ema vulneravel no kbiit laek sira iha area rural.

Diretór Nasional Asistensia no Sosial, Fernando dos Reis hateten, MSSI liu husi Diresaun Nasional Asistensia Sosial, ne’ebé tutela iha Diresaun Jeral Protesaun Sosial atu apoiu fos  ba ema vulneravel no kbiit laek sira iha area rural.

"Atu halo atendementu ba preokupasaun sira  husi ema vulneravel no kbiit laek sira iha area rural, MSSI liu husi Diresaun Nasional Asistensia Sosial hamutuk ho Departamentu Asistensia Umanitaria distribui foos ba Sentru Soliriedade Sosial Munisipiu sira iha fulan Febreiru nia laran," informa Fernando dos Reis ba Jornalista INDEPENDENTE iha nia knaar,  Kaikoli, (06/03).

Nia haktuir, MSSI sosa foos husi kompañia Vitoria Unipesoal Lda  hamutuk 28 mill saka no kada saku ho presu $17, 50 sentavus.

Foos ne'e sosa iha tinan kotuk, maibé MSSI foin fo apoiu ba Sentru Soliriedade Sosial Munisipiu sira iha fulan Febreiru tinan 2024. Husi total foos ne’e distribui ba munisipiu 12, la inklui RAEOA.

Nia dehan, seidauk distribui fos ba  Munisipiu Viqueuqe ho razaun sei hadia jestaun balun hafoin  mak bele halo distribuisaun.

Total orsamentu ne’ebé MSSI preve iha tinan kotuk hodi sosa foos ho montante $494.567.5, tan ne’e DNAS garante fos sufisiente hela bazea ba pedidu ne'ebé husi Sentru Soliriedade Sosial Munisipiu sira.

"Ita atu kanaliza tanbá pedidu mai foin bele indetifika ne'ebé tekniku  iha baze atu atu indetifika ema vulneravel no kbiit laek sira atu nune'e Ministeriu Soliriedade Sosial no Inklusaun (MSSI) liu husi Sentru Soliriedade Sosial Munisipiu sira bele ba fo apoiu ba sira," tenik nia

Nia dehan, pedidu sira haruka mai depois MSSI apoiu fos ba armajen Sentru Soliriedade Sosial Munisipiu sira no semestre da-uluk, husi total fahe fos  ba armajen Sentru Soliriedade Sosial Munisipiu sira.

Pedidu ne'e refere ne'e tekniku no Diretór Munisipiu sira mak halo jestaun ba relatoriu sira ne'e husi semestre da-ruak nia foin hatene fos distribui semester da-uluk nian kona-ba familia Kbiik Laek sira

Dadus provisoriu Diresaun Nasional Asistensia no Sosial seidauk fo sai tanbá ha'u hein relatoriu, no tinan kotuk iha maibé ita la bele sai sasuka ne'ebé hein dadus husi semester da-uluk nian mai hotu foin fo sai ba publiku.

Rate this item
(0 votes)
Last modified on Kinta, 07 Marsu 2024 14:53

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31