Formasaun ne’e hala’o durante loron rua nia laran, hahú husi loron 23 to’o 24 fulan-Masru tinan 2023.
Prezidente Interinu APC, Superientendente Asistente Polísia, Nuno Romualdo Gomes hatete, formasaun durante loron rua ne’e, atu eleva koñesimentu no prepradu atu halo prevensaun dezastre no tsunami iha futuru mai.
“Ohin oportunidade diak atu iha diskusaun hodi hasa’e koñesimentunida no hetan informasaun ruma ba ita bele sente katak prepradau, rezilinte atu bele responde karik akontese tsunami,” dehan nia iha Salaun City8, Manleuana, kinta horseik (23/03).
Komandante Operasaun Nasionál APC esklarese, TL tipu dezastre la’os tsunami de’it maibé iha tipu dezastre seluk hanesan inundasaun, rai maran, anin boot no rai halai, ne’ebé sempre akontese iha TL hodi implika ba dezenvolvimentu iha TL nian.
Iha fatin hanesan, Sekretáriu Embaixada Japaun iha Timor-Leste Daishin Sasaki hatete, Governu Japaun iha komitementu boot apoiu Governu TL iha área protesaun sivíl ba redusaun risku dezastre.
“Japaun kontinua apoiu no hakarak servisu ho Governu TL hodi jere didiak jestaun risku dezastre hodi bele mitiga no prepara TL atu hasoru risku dezastre naturais,” haktuir Reprezenta Embaixadór Japaun iha TL.
Enkuantu, Xefe Climate Change no Enviroment Unit-UNDP, Domingos Siga Maria liuhusi formasaun sai baze ba komandante operasaun APC munisipiu no profesór sira bele utiliza, bainhira halo planu hosi responde ba kauza sira hosi rai nakdoko no tsunami.
Entretantu, formasaun ne’e fasilita husi UNDP ho APC liu husi Sentru Nasionál Operasaun no Sentru Formasaun ba Komandante Operasaun Nasionál APC munisípiu Dili, Vikeke, Likisa, Laútem, Ataúro, Bobonaro, Baukau, Manatuto no Kovalima.
