Sexta, 24 Setembru 2021 | Login
Eleisaun ba destituisaun meza Parlamentu Nasional husi Bankada tolu, FRETILIN, PLP, KHUNTO. Foto INDEPENDENTE Eleisaun ba destituisaun meza Parlamentu Nasional husi Bankada tolu, FRETILIN, PLP, KHUNTO. Foto INDEPENDENTE

Amu Crispim: Destituisaun Meza PN La Prienxe Regularidade Featured

DILI:Votasaun ba destituisaun iha Meza Parlamentu Nasionál, tuir Jurista timoroan Pe. Júlio Crispim, regularidade rejimentál lubuk boot maka la prienxe, maibé deputadu sira ba liu kedas plenária.

Tanba plenária ne’e nia kompeténsia aas, ne'e duni nia deliberasaun konsidera normalmente ba atu sira ne’e.

“Agora ita haree ba nia prosedimentu sira ne’e to’o iha plenária tuir artigu 99 númeru 3 husi Konstituisaun RDTL tenke iha konvokatoriu atu ba reuniaun sira ne’e Prezidente Parlamentu Nasionál mak bele halo reuniaun konvokatoriu,’’ dehan nia, via telefone, Tersa (19/5).

Nia dehan, depois regularidade ba rejimentál sira ne’ebé iha bainhira deputadu sira hatama pedidu ba iha Prezidente Parlamentu Nasionál iha kompeténsia tomak atu aseita ka rejeita, kuandu rejeita ona labele tama ba prosesu tuir mai.

Karik sei iha aseitasaun, entaun presidente sei haruka ba iha lider bankada sira atu apresiasaun no hotu mak bele ba iha plenária, depois haruka ba iha Presidente atu halo ajenda mak foin konvokatoriu ba plenária.

Pe. Júlio esplika, bainhira iha plenária mosu diskusaun, debate ikus liu mak votasaun no tenkesér maioria absoluta, ida ne’e mak nia prosedimentu sira.

Tanba ne’e, akontese iha Parlamentu Nasionál loloos ne’e regularidade rejimentál ne’e lubuk boot ida la prienxe, maibé deputadu sira ba liu kedas plenária no regra substituisaun ninia mós atu prezide Meza Parlamentu nian.

Tanba ne’e, atu sira ne'ebé ohin foti ne’e mós konsidera inválidu, tanba formál inválidu entaun materiál mós inválidu. mezmu ke parlamentu sira to’o iha nivel destituisaun.

Read 3018 times
Rate this item
(0 votes)