Amo Papa Vizita TL, MOP Ajudika Direita Kompaña Konstrui Estrada Haleu Cristo Rei Featured

By Januário Assunção Fevereiru 07, 2024 1204
kompaña Bakti Timor Karya (BTK) hahu halo konstrusaun ba estrada husi area Cristu Rei to'o Dolok oan. Foto:Media Gabinete MOP. kompaña Bakti Timor Karya (BTK) hahu halo konstrusaun ba estrada husi area Cristu Rei to'o Dolok oan. Foto:Media Gabinete MOP.

DILI: Relasiona ho vizita Amo Papa mai Timor-Leste iha tinan ne'e, Ministériu Obras Públiku (MOP) halo ajudikasaun direita ba kompaña Bakti Timor Karya (BTK) hodi aselera konstrusaun estrada husi area Cristu Rei to'o Dolok oan.

Ministru Obras Publiku, Samuel Marçal hatete, razaun MOP halo ajudikasaun direita ba kompaña, tanba hare ba tempu ne’ebé badak ona, ne’e duni la konsege loke konkursu públiku.

"Ida ne'e ita halo ho urjente, tanba dala-ruma bainaka barak mak sei mai hodi ba Vizita Cristo Rei, ne’e duni ita tenke halo preparasaun,"dehan Samuel Marçal ba Jornalista sira iha Palasiu Governu, (06/02).

Se atu loke konkursu públiku tempu la to'o ona, tan ne'e mak MOP aprezenta ba Kafi atu halo aprovasaun hodi indika kompaña ne'ebe iha kapasidade atu bele konstrui lalais estarda ne’e antes fulan lima nia laran.

Orsamentu ne'ebé aloka ba projeu ne’e hamutuk millaun $ 4 resin no konstrusaun estrada komesa husi area Cristu Rei to’o estrada boot Dolok-oan.

Rate this item
(0 votes)

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31