“Prezidente Repúblika promulga ida ne’e la signifika Prezidente Repúblika konkorda maibé tanba prosedura,” dehan Diretór Asia Justice And Right (AJAR), José Luis Oliveira, iha knaar fatin, Faról, Sesta (18/1).

Nia esplika, sei loke dalan atu halo fiskalizasaun abstratu ne’ebé tuir Konstituisaun artigu 150, Prezidente Repúblika ka 1/5 deputadu ka entidade balun ne’ebé tuir konstituisaun artigu ne’e haruka bele husu ba Tribunál atu haree diploma ne’e tuir konstituisaun ka lae.

“Se la tuir Tribunál bele deklara inkonstitusionalidade no alterasaun ne’e mós bele la vale”, dehan nia.

Bainhira Tribunál deside lei tuir promulgasaun inkonstitusionalidade maka alterasaun LAP ne’e sei la vale. Tanba ne’e, ho promulgasaun ne’ebé Prezidente Repúblika nian ne’e lei seidauk entra no vigor.

Nune’e, iha diskursu Prezidente Repúblika hafoin promulgasaun mós deklara katak lei ne’e maski promulga ona maibé la taka dalan atu halo fiskalisazaun abstratu. Ne’e duni alterassun lei ne’e la'ós finál ona, maibé sei loke posibilidade seluk.