Sexta, 17 Setembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-09-15&metrics=ga%3Avisits&dimensions=ga%3Ayear&start-index=1&max-results=1000: (403) Quota exceeded for quota metric 'Queries' and limit 'Queries per day' of service 'analytics.googleapis.com' for consumer 'project_number:402577812915'.
Estudante sira husi Oekusse iha Dili. Foto Camilio de Sousa/INDEPENDENTE. Estudante sira husi Oekusse iha Dili. Foto Camilio de Sousa/INDEPENDENTE.

Aihan Hahú Menus, Estudante Oekuse Iha Dili Hakarak Fila Featured

DILI: Serka Sanitária (SS) iha Dili halo ema hotu terus ba aihan menus no osan laiha atu selu kos tanba bandu ema halo movimentasaun ba-mai husi Dili ba Munisipiu sira.

Situasaun ida ne’e halo estudante no komunidade baibain ne’ebé hakarak fila ba nia knua iha Oekuse defisil tebes tanba transporte maritima no Terrestre la halai.

Porta-voz estudante Oekuse iha Dili, Jose Mala informa, estudante Oekuse oan ne’ebé hela iha Dili maioria hela iha kos no serka sanitária ida ne’e afeta tebes tanba osan laiha ona hodi sosa aihan lor-loron nian.

"Ate a data serka sanitária iha Dili kuaze fulan ida ona no posibilidade atu extende tan maibé ami la hetan ajuda ruma husi governo no foin dadauk fos Governu ne’ebé fahe ba estudante kos sira iha Dili laran mos ami la hetan, Ami hakarak Governu liuhosi Ministeriu Transporte e Telekomunikasaun loke ona transporte maritima atu nunee ami bele fila ba ami nia knua tanba ami komesa hamlaha ona no laiha osan ona atu selu kos,"dehan Jose iha Farol, Dili ba Online Independente, Kinta ohin (1/4).

Jose sublinha liu tan katak, estudante iha Dili laran hamutuk 192 ne’ebé rejistu ona no kontinua halo levantamentu dadus hodi atu hatene total estudante sira ne’ebé hela iha Dili no hakarak fila fali ba Oekuse knua moris fatin.

“Tempu agora ne’e ami la ezijé Governu hodi ajuda aihan maibé ami ejije mak loke de’it transporte maritima atu nunee ami bele fila ba ami nia rai moris fatin, ami prontu ba swab tuir Sentru Integradu Jestaun Krize nia kriteria, tanba ami iha ne’e prosesu aprezijajen laiha nomos osan araska los ona,"dehan Jose.

Jose konsidera katak serka sanitária iha Dili ne’e halo diskriminasaun boot ba Oekuse oan tanba halo transferensia aihan no sasan balu husi Munisipiu sira mai Dili sei bele autoriza maibé RAEOA Oekuse mak labele liu.

Nia fo' exemplu, husi parte leste baihira transporta sasan ruma mai Dili bele foti iha Metinaro, iha parte rai klaran bele foti iha mota ulun no parte loro monu bele foti sasan iha Tibar maibé Oekuse susar tebes atu halo transferensia.

Molok ne’e, Governu aprova ona medidas rekuperasaun ekonomika, ne’ebé sei apoiu pagamentu propinas ba estudante ensino superior sira ho montante maximu dollar amerika $150.

Politika ida ne’e, hodi estudante sira husi Munisipiu iha Dili atu kontinua kumpri regra sanitária hodi prevene moras Covid-19.

Entretantu Governu liuhusi Konsellu Ministrus (KM) aprova ona medidas ba estensaun estadu emerjensia ba dala-12.

Tuir Ministru Prezidensia Konsellu Ministru, Fidelis Leite Magalhãens hatete, alterasaun projetu Dekretu Governu nian, ne’ebé aprezenta husi Primeiru-Ministru, Taur Matan Ruak, kona-ba medidas ezekusaun Deklarasaun Estadu Emerjénsia, ne’ebé efetua husi Dekretu Prezidente Repúblika nu. 17/2021, loron 31 fulan-marsu, hodi hatán ba pandemia COVID-19.

Estadu emerjénsia, daudaun ne’e renova ona, abranje territóriu nasionál tomak no vigora entre oras 00.00 husi loron 3 fulan-abríl to’o oras 23.59 loron 2 fulan-maiu tinan 2021.

 

Jornalista: Camilio Sousa

Editor: Jose Sarito Amaral

Read 1789 times Last modified on Kinta, 01 Abril 2021 22:11
Rate this item
(0 votes)