AIFAESA Identifika Loza 13 Halimar Folin Featured

By Mariano Mendonca Maiu 08, 2020 2084
Ekipa AIFESA halo inspesaun ba apotek sira iha Dili laran. Foto antigu/INDEPENDENTE Ekipa AIFESA halo inspesaun ba apotek sira iha Dili laran. Foto antigu/INDEPENDENTE

DILI: Maske governu aviza ona atu loza sira labele halimar folin sasan durante implementasaun estadu emerjensia (EE) maibé realidade iha loza balun mak la kumpre. Iha fulan Marsu to’o inisiu fulan Maiu, AIFAESA identifika loza 13 mak halimar ho folin sasan.

Xefe Divizaun Operadór AIFAESA, Alfonsius Costa Akoyt informa, iha implementasaun EE faze dahuluk, AIFAESA identifika loza 13 mak hasa’e folin ka halimar presu,

Hafoin identifika, nia dehan, AIFAESA halo atuasaun no submete ba PNTL hodi prosesa.

“Husi fulan Marsu to’o iha Abril, antes periodu faze primeiru EE ne’e remata AIFAESA identifika iha estabelesimentu lubuk ida, kerzer ke violasaun regras EE,” dehan nia.

Alfonsiu hatete, husi loza 13 ne’e, maioria loza Xineza mak halo espekulasaun presu ba maskra.

“Maskra hena baibain faan $5-$6 dollar, aproveita situasaun hasa’e $25 dollar, entaun tuir lei 4/2011 krime, entaun AIFAESA submete ba iha PNSIC halo investigasaun, sei submete mós ba Ministériu Públiku,” nia hatete.

Kona-ba folin foos, nia hatete, iha reklamasaun husi loza kiik ne’ebé hola tutan husi importadór sira kona-ba folin foos ne’ebé sa’e, maibé daudauk ne’e presu normal fila fali.

Rate this item
(0 votes)

Independente Digital TV