AERO Dili Sei Loke Sentru Treinamentu iha Area Indústria Featured

By Januário Assunção Maiu 06, 2023 466
Diretor Kompaña Aero Dili, Lourenço de Oliveira. Foto:Google. Diretor Kompaña Aero Dili, Lourenço de Oliveira. Foto:Google.

DILI: Atu hasa’e Timor oan sira nia kapasidade iha area industria nian, kompaña Aero Dili sei loke sentru treinamentu hodi fó formasaun ba Timor-oan sira iha area industrializasaun.

Diretor Kompaña Aero Dili, Lourenço de Oliveira hatete, sentru treinamentu formasaun ne’e sei loke iha kapital Dili, nune’e timor-oan sira bele aprende iha area industria nian, liu-liu hanesan mekanika,pilotu no seluk tan.

 “Sentru treinamentu ida ne’e loke iha dili ho programa Trading ba pilotu,Enjiñeriu Mekaniku no mós ajensia ne’ebé presiza atu halo formasaun. ida ne’e mak komitmentu ami nian”dehan nia iha salaun Trade Invest kolmera kinta horisehik (04/05).

Nia dehan,kompaña Aero Dili konstrui nia ema hodi bele loke sentru treinamentu iha tinan rua ka tolu ba oin investimentu iha kapital umanu mak sai hanesan pilar importante atu garante susesu iha industrializasaun

Atu loke sentru treinamentu,Nia dehan,iha faze dahuluk Aero Dili sei haruka uluk Timoroan sira ba estudu iha rai liur hanesan,Pilotu nain 6,Air Mosan nain 10,Enjiñeiru nain 3 iha nasaun fransa EUA no mós iha dubai.

“Investimentu ida ne’e servisu hamutuk ho kompaña Air Base ne’ebé oferese pokote edukasaun ba rekursu umanu”dehan nia.

Tanba ne’e Aero Dili iha mehi boot tinan tolu ba oin sei to’o nasaun Europa ho montante investimentu ne’ebé mak iha sei atinje to’o Rihun $50

Rate this item
(0 votes)
Last modified on Domingu, 07 Maiu 2023 18:12

Independente Digital TV