Adesaun TL ba ASEAN Importante, Singapura Apoia Featured

By Mariano Mendonca Maiu 13, 2023 668
Enkontru bilateral entre Primeiru-Ministru (PM), Taur Matan Ruak iha ho Primeiru-Ministru Singapura, Lee Hseing Loong deskute kona ba roteiru Adezaun Timor-Leste (TL) ba ASEAN importante no Singapura prontu apoia. Foto:Media Gabineti PM. Enkontru bilateral entre Primeiru-Ministru (PM), Taur Matan Ruak iha ho Primeiru-Ministru Singapura, Lee Hseing Loong deskute kona ba roteiru Adezaun Timor-Leste (TL) ba ASEAN importante no Singapura prontu apoia. Foto:Media Gabineti PM.

DILI: Enkontru bilateral entre Primeiru-Ministru (PM), Taur Matan Ruak iha ho Primeiru-Ministru Singapura, Lee Hseing Loong deskute kona ba roteiru Adezaun Timor-Leste (TL) ba ASEAN importante no Singapura prontu apoia.

Tuir komunikadu ne'ebé Mídia Independente asesu iha 10 Maiu 2023, Xefi Governu, Taur Matan Ruakhala’o enkontru bilateral ho nia ómologu husi Singapura, Lee Hseing Loong iha ámbitu Simeira ASEAN nian ba dala 42, nune’e bele hametin liu tan relasaun no kooperasaun entre País rua nian iha rejiaun ASEAN.

"Primeiru-Ministru Lee Hseing Loong konsidera roteiro adezaun Timor-Leste nian ba ASEAN importante, hodi hatutan, Singapura apoiu maka’as roterio ne'e liuhosi programa (STARS) Singapore Timor-Leste ASEAN Readiness Support," dehan Komunikadu ne'ebé Jornalista Independente asesu iha Mídia Gabinete Primeiru Ministru, Kinta (11/05).

Hanesan Nasaun ki'ik hotu, Singapura apoia tebes Timor-Leste no hein katak Nasaun seluk bele halo ida ne’e hanesan rai rua halo nia Kooperasaun bilateral.

Entretantu, Primeiru-Ministru Taur Matan Ruak sente kontente no agradese tebes ba Primeiru Ministru Lee ba apoiu Singapura nian, atu Timor bele involve iha membru 11 ba Asean.

Iha enkontru refere, Xefe Governu hetan mós akompañamentu husi Ministra Negósiu Estranjeiru no Kooperasaun, Adaljiza Magno, Emabixadór Timor-Leste ba Indonézia, Filomeno Aleixo da Cruz, Diretora Jerál ba ASEAN no Xefe Gabinete Primeiru-Ministru nian, Azevedo Lourenço da Costa Marçal.

Entretantu Governu Timor-Leste (TL) ho Governu Repúblika Indonézia aprofunda liu tan kooperasaun bilateral bainhira TL sai Observador membru Asean.

Primeiru Ministru Taur Matan Ruak iha enkontru bilateral ho Prezidente Repúblika Indonézia, Joko Widodo iha loron 9 fulan Maiu tinan 2023, hafoin to’o iha Labuan-Bajo NTT, Indonézia, hala’o kedas  enkontru bilateral Prezidente Repúblika Indonézia, Joko widodo iha Otel Meruorah.

"Primeiru Ministru eskontru ho Prezidente Repúblika Indonézia iha ámbitu Simeira Asean ba dala 42, hodi aprofunda liutan relasaun no kooperasaun entre Timor-Leste no Indonézia iha iejiaun ASEAN," dehan Komunikadu ne'ebé Jornalista Independente asesu husi mídia Gabinete PM, Kuarta (10/05).

Iha Reuniaun ne’e, Prezidente Jokowi hanesan uma na’in Prezidensia Asean nian, fó bemvindu ba Primeiru-Ministru Taur Matan Ruak iha ámbitu atende Simeira ASEAN ba dauluk nu’udar membru País ASEAN ba dala 11 ho estatutu observadór.

Prezidente Jokowi hatutan Indonézia hanesan Prezidénsia Asean, iha komitmentu boot tebes atu apoiu Timor-Leste nia roteiru liu-liu iha kapsitasaun institusional hodi prepara rekursu umanus TL nian molok to’o membru plenu.

Iha reuniaun ne’e, Indonézia iha komitmentu boot hakarak aprofunda liutan kooperasaun bilateral, liu-liu dezenvolvimentu integradu iha Zona Fronteira ho Timor Osidental. Indonézia mós preparadu ba esbosu akoordu bilateral investimentu nian, hodi dudu ekonomia Timor-Leste ba oin hanesan País membru Asean

Rate this item
(0 votes)
Last modified on Tersa, 16 Maiu 2023 11:03

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31