Maske jogu nee, ekipa selesaun Portugal susessu rekolla pontu tolu husi ekipa Timor-Leste, iha abertura jogu desportivu nee, maibé la fasil ba jogador Portugal hodi manan Timor-Leste ho score 0-1.
Ínisiu arbitru fó sinál hahú jogu, ekipa rua halo kedan jogu ne'ebé ho atrativu hodi lansa atake ba malu tuir téknika no tatika ne'ebé orienta husi treinadór ida-idak nian.
Iha kampu ne'ebé infeita ho du'ut sai fatin ba jogador sira, hodi luta atu hadau malu bola, basa ain-ba-ain, nunee bele hatama golu.
Duel entre ekipa rua sai espetakulu tebes, tanba iha tribuna leten nakonu ho adeptus rihun ba rihun ho espiritu, hodi hakilar no haklalak, atu fo suporta masimu ba ida-idak nia ekipa favorite.
Nune'e, ekipa rua hala'o jogu ne'ebé atrativu tebes, hodi lansa kontra atake ba malu, Portugal neebé hakarak hatama golu no ekipa Timor-Leste konsege lansa sutu ba Guarda rede, maibé seidauk kona alvu.
Portugal ne'ebé hala'o jogu ho kalma hodi sutu bola husi ain ba ain, halo jogador Timor-Leste liu husi liña defeza tenke ho kuidadu, nune'e labele fo oportunidade ba ekipa Portugal atu bele produs golu.
Ritmu jogu ne'ebé manas liu tan, Portugál ne'ebé mai ho jogu agresivu, koko halo presaun ba ekipa Timor-Leste no konsege kria oprtunidade hodi lansa sutu ba guarda rede Timor-Leste, maibe seidauk too tarjetu.
Presaun ne'ebé Portugál halo, ekipa Timor-Leste koko halo balansu ba jogu, hodi halo kontra atake, no husi kontra atake ne'ebé iha konsege kria oportunidade lubuk ida ba ekipa lafaek, atu fura rede ekipa Portugal, maibé sutu hirak ne'e seidauk kona nia alvu.
Jogu kontinua, jogadór ekipa rua hotu-hotu lansa atake ne'ebé adekuadu, maibe atake no sutu sira ne'ebé ekipa rua halo seidauk atinje nia alvu, tanba sutu balun hetan salva husi guarda rede.
Minutu no oras lao ba dadaun, obriga jogadór sira tenke esforsu makaas liu tan, maibe esforsu sira ne'e la fasil, esforsu sira ne'e tenke troka ho sofrimentu ida ne'ebé difisil bele mos fo perigu ba sira nia vida iha kampu laran.
Timor-leste koko halo adaptasaun ba Portugál nia jogu no tenta hamate, maibe liña defeza Portugal nian solidu, halo Timor-Leste susar atu ultrapasa, maibé avansadu Timor-Leste koko lansa sutu, maibe sutu hirak seidauk kona tarjetu
Husi forsa ne'ebé ekipa rua hanesan, halo jogu sai manas liu tan no intensidade jogu aas ba bebeik, ekipa rua fo presaun ba malu ho ambisaun hakarak hotu, atu produs golu iha primeira parte nian.
Tanba ho forsa ne'ebé kuaze la diferente, halo duel entre ekipa rua, obrigadu tenke termina jogu primeira parte ho rezultadu empata 0-0.
Haksoit ba segunda parte jogu, ekipa rua kontinua hatudu jogu ne'ebé atrativu, hodi halo lansa kontra atake ba malu hodi buka produs golu.
Jogador sira tenke sakrifika sira nia aan ho esforsu tomak, tanba situasaun klima udan, dala-ruma sira monu, maibé mafatin hamrik fila-fali, hodi duni tuir bola, ekipa Portugal ne'ebé lansu sutu husi ain ba ain, ho kalma hodi lansa sutu.
Maibe, Ekipa Timor-Leste nafatin halo kontra atake, liu husi oprtunidade sira ne'ebé hetan, nune'e iha minutu 50, avansadu Timor-Leste nia hetan oprtunidade atu bele produs golu, maibe sutu ne'ebé iha kona de'it nia alvu, la konsege golu.
Entetantu, Portugal mos hetan oprtunidade barak, liu husi lansa atake ne'ebé halo husi jogador numeru kamizola 18, husi parte mediu liman karuk, kruza bola hodi halo barollu iha guarde rede Timor-Leste nian, maibe ekipa Timor-Leste sei antisipa ho di'ak.
Jogu ne'ebe atrativu husi ekipa rua, halo atmosfera estadiu sai barullu liu tan, husi adeptus rihun ba rihun ne'ebé iha tribuna leten no mos iha kampu ninin sira hakikar ho lian makas katak, Timor-Leste, Timor-Leste, halo jogadór sira nia espiritu jogu aas liu tan.
Ho intensidade jogu ne'ebé aas ba bebeik, halo ekipa rua tenke esforsu makaas liu tan, liu husi kontra atake ba malu hodi bele produs golu, maibé iha minutu 80+3 defeza husi Timor-Leste komete eru hasoru jogador Portugal.
Iha oprtunidade ba Portugal atu bele halo sutu livre, no sutu livre ne'e ezekuta husi jogador Guilherme Sousa, ho numeru kamizola 5, no konsege ezekuta ho di'ak hodi fura rede ekipa Timor-leste nia hodi muda score ba 1-0.
Husi golu nee, to'o termina segunda parte la iha tan golu ruma mak akontese, no Portugál mak iha direitu tomak ba pontu tolu, no ekipa Timor-Leste tenke simu derota ho pontu zero.
Jogu ne'e rasik lidera husi arbitru prinsipal husi Portugál, Rodrigo Varela, no Juis da liña dirizi huis timoroan na'in rua mak hanesan, juiz da liña primeiru, Antonio Carvalho, no juis da liña segundu Filomeno da Silva.