Diretór Jeral MSSI, Florêncio Dias Gonzaga hateten, Primeiru Ministru, Taur Matan Ruak, sei halo lansamentu pagamentu ba bolsa mãe jerasaun foun nian iha Ainaru.
Nia dehan, prosesu implementasaun programa bolsa mãe jerasaun foun nian bazeia dekreitu lei NU.22, agora dadaun tama ona fase final iha munisipiu tolu sai hanesan alvu ba dahuluk.
"Ita atu implementa programa ba bolsa mãe jerasaun foun nian iha Munisipiu Ainaru, Bobonaru inklui Rejiaun Adminitrativu Espesial Oekusi-Ambeno (RAEOA)," dehan Florêncio, iha knaar fatin, Kaikoli, horisehik.
Antes ne’e, iha (17/6), governu lansa ona programa ne’e no hahú rejista ona sidadaun sira, liuliu inan isin-rua, labarik tinan 0-3 no defisiensia. Nune’e, tuir lei rejistu tama ona fulan ida tuir lei ne'e depois fulan ida rejistu kontinua pagamentu.
Benefisiariu sira ne’ebé rejista onaatu simu pagamentu inan isin-rua hamutuk 1.475, labarik tinan 0-3 hamutuk 7.921 no ba ema ho defisiensia na'in 36.
