Enkuantu, sidadaun refere hetan ona vasina AstraZeneca doze kompletu. Pasiente refere, transfere husi óspital Manatuto ba HNGV iha loron 18 fevereiru 2022.
“Bainhira hala'o teste konfirmadu pozitivu Covid-19 no tranporta kedas ba Sala Izolamentu Lahane no ohin (25/02) iha tuku 13:05 pasiente hakotu iis ho DX: T Mediastino Metastasis + Covid-19 CT 31,3,”dehan nia iha komunikadu neebé Online INDEPENDENTE asesu, sesta nee (25/02).
Ho nunee, tuir dadus, total ema neebé mate ho Covid-19 iha fulan fevereiru 2022 hamutuk na’in lima (5). Enkuantu, total komulativu óbitu hamutuk na’in 127.
Entretantu, kazu pozitivu foun Covid-19 neebé Ministeriu Saúde relata, iha loron 25 fevereiru 2022 iha na’in 52, rekuperadu na’in 196 no kazu ativu neebé baixa iha sala izolamentu hamutuk na’in 694.
Haree ba kazu neebé kada loron rejista, Ministeriu Saúde apela ba populasaun sira hotu, atu aprezenta an iha fasilidade saúde (sentru saude ka óspital) neebé besik, bainhira sente isin manas, kakorok moras, inus been, ka mear, hodi bele hetan atendementu husi profisional saúde sira.
Nunee mós, Ministeriu Saúde husu ba populasaun sira iha Timor-Leste laran tomak, maske simu ona vasina doze kompletu, maibé nafatin respeita regra prevensaun no ijiene individual, neebé governu hatur ona, atu prevene moras Covid-19 labele daet ba mai.
