Nunee, total kazu mate ho dengue neebé rejista, hahú husi 01 janeiru to’o 22 fevereiru 2022, hamutuk na’in 31.
“Ba kazu mate neebé rejista iha loron 22 fevereiru, ida nee husi Kapital Dili,”dehan nia iha komunikadu neebé Online INDEPENDENTE asesu, kuarta nee (23/02).
Entretantu, kazu mate ne’ebé rejista iha Kapital Dili ho númeru 16. Aleinde, iha Munisipiu Ainaro iha na’in rua, Ermera iha na’in haat, Kovalima iha na’in tolu, Bobonaro iha na’in ida, Vikeke iha na’in ida, Aileu iha na’in rua, Manatutu iha na’in ida no na’in ida iha Manufahi.
Enkuantu, total pasiente dengue neebé rejista, sura husi loron 01 fulan janeiru to’o 22 fevereiru 2022, hamutuk 2.339.
Husi númeru nee, maioria iha Kapital Dili ho kazu 1.456, Ermera ho kazu 90, Manatutu ho kazu 142, Baukau ho kazu 105 , Manufahi ho kazu 95, Kovalima ho kazu 87, Bobonaru ho kazu 32, Líkisa ho kazu 82, Aileu ho kazu 69, Ainaro ho kazu 32, Vikeke ho kazu 53, RAEOA ho kazu tolu no Lautem ho kazu hamutuk 93.
Entretantu, husi numeru Kazu ne'ebe aumenta, Ministra Saúde husu nafatin atu aprezenta aan iha fasilidade saúde ne'ebé besik, bainhira sente isin manas ka laran sa’e, liman ain sikun moras, atu bele hetan atendementu husi mediku sira.
Aleinde, Governu mós halo hela prevensaun ba moras dengue liu-husi asaun sira hanesan, limpeza jeral no halo fumigasaun ba fatin sira ne'ebé identifika sai fatin risku ba dengue.
