Xefi Departentu Gabinete Jeneru, Superintendente Xefi, Julia da Gama, hateten, durante tinan 2021, gabinete jéneru liu husi Vulnerabel Police Unite (VPU) konsege atende kazu Violensia Domestika hamutuk 400 resin.
"Ita iha kazu 400 resin kona ba asuntu violensia, maibé mai ho kategoria oioin,” dehan Julia ba Jornalista, hafoin partisipa Workshop ida iha Tower-Fatuhada, Dili, tersa nee (22/02).
Nia dehan, konaba akompainemtu ba vitima sira, gabinete jéneru halo liña kordenasaun ho doadores sira, hanesan Fokupers no Pradet hodi bele halo akompañamentu ba vitima sira.
"Ami parte gabinete jéneru ne'e ami nian mak fó apoiu siguransa, la'os atu atende deireita, maibé ami nia doadores sira kontinua akompania ita nia vitima sira iha uma mahon,” dehan nia.
Tanba ne’e, PNTL husi gabinete jéneru sempre fó apoiu masimu liu-liu respeita sira nian prejensa ba aktu krime sira ne'ebé sira iha.
“Durante ne'e prosesu tomak ita halo kordenassun ho Fokupers, Pradet no Uma Mahon sira seluk ne'ebe asegura nafatin sira nian prejensa iha ne'eba emadiatamente lori ba fatin hakmatek,” hakotu nia
Entretantu, tuir dadus Organizasaun Naun Governamental (ONG), Fokupers iha tinan 2020 hatudu numeru kazu violensia domestika mak akontese iha teritoriu timor laran tomak hamutuk 304.
