Kinta, 22 Abril 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-04-20&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Diretór AHDMTL, Gaspar Diretór AHDMTL, Gaspar

2020, Feto ho Defisiensia Matan Na’in 4 Hetan Violasaun Sexual Featured

DILI: Assosiasaun Halibur Defisiensia Matan Timor-Leste (AHDMTL) relata katak iha tinan 2020, Feto ho Defisiensia Matan na’in haat (4) hetan violasaun sexual.

Diretór AHDMTL, Gaspar Afonso informa katak, bazeia ba rejultadu monitorizasaun no advokasia ne’ebé sira halo iha tinan 2020 identifika kazu hamutuk haat (4) ne’ebé hasoru Feto ho Defisiensia Matan.

"Durante AHDMTL halo monitorizasaun no advokasia identifika vitima feto na’in haat ne’ebé ema ho la defisiensia komete violasaun sexual hasoru Ema ho Defisiensia Matan hamutuk na’in haat no sira na’in haat isin rua hotu no foin mak partus iha tinan 2021 nia laran,”dehan Afonso iha nia knar fatin Manleuana Dili ba Jornalista Online Independente ohin.

Ho kazu ne’e, AHMDTL triste tanba suspeito sees husi kazu ne’e no laiha responsabilidade.

Afonso relata katak vitima na’in hat ne'e  na’in 3  identifika iha Munisipio Ermera, ida iha Posto Hatulia Zona B, ida iha Suku Samelek Railako no Ida fali iha Suku Fali Bolu .

Nia akresenta liutan katak Suspeito ne’ebé halo violasaun seksual ba Feto ho Defisiensia iha Ermera Hatulia Zona B tama ona Prizaun iha fulan Janeiro no suspeitu iha Railaku Samalek sei iha prosesu devisensia.

Signifika, sei iha fase investigasaun no rekolla hela dadus hodi keisa ba tribunal, kazu ne’e komete husi xefi Aldeia ida iha suku Samalek.

 Nune’e dadauk AHDMTL advokasia hela no akompana husi Judicial System' Monitoring Programme (JSMP) hodi levanta hahalok imoral ida ne'e ba tribunal no espera katak vitama feto ho Defisiensia Matan sei hetan lialos ho justu.

Kazu ida seluk mós akontese iha Railako Suku Falu Bolu, vitima ne’e nia kazu la levanta tanba inan-aman mak lakohi no sei buka tuir suspeitu atu responsabiliza ba nia oan feto.

Entretantu, vitima violasaun relasaun seksual hasoru Feto ho Defisiensia Matan ida seluk akontese iha Aileu-Vila no kazu ne’e mós inan-aman lakohi levanta kazu ne’e ba oin tanba deskonfia ema ne’ebé komete hahalok imoral hasoru vitima ne'e sei iha relasaun familia.

Nia akresenta, vitima Feto ho Defisiensia Matan na’in 4 ne’e,  na’in rua mak hakarak suspeitu tenke hetan pena.

Tanba ne’e ho esforsu ne’ebé AHDMTL advoka konsege lori suspeitu na’in ida ona ba tribunal no agora dadauk hetan ona pena iha prizaun Becora.

Enkuantu, ida seluk sei iha prosesu rekolla dadus no sei lori ba tribunal iha tempu besik.

Nia informa, vitima na’in 4 ne'e agora dadauk hamutuk ho sira nia oan iha Uma-Mahon AHDMTL hodi asegura sira nia oan nia futuru.

Read 311 times Last modified on Tersa, 09 Fevereiru 2021 21:13
Rate this item
(0 votes)