Segunda, 25 Outubru 2021 | Login
Mediku sira ne'ebe halo tratamentu ba kazu detetadu iha Izolamentu. Foto:Dok. Mediku sira ne'ebe halo tratamentu ba kazu detetadu iha Izolamentu. Foto:Dok.

17 Setembru: Positivu Foun iha 87, Mate Na’in Ida

DILI: Sala Situasaun Sentru Integradu Jestaun Krize (SIJK) ohin (17/09) relata, ekipa konjunta saúde rejista tan kazu positivu foun Covid-19 hamutuk na’in 87 no ema ne’ebé mate, iha na’in ida (1).

Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hatete, kazu positivu foun iha Dili nafatin rejista as kompara ho Munisipiu sira seluk.

Husi kazu detetadu 81, iha Dili na’in 40, Ainaro na’in 2, Baukau na’in 16, Bobonaro na’in 4, Kovalima na’in 1, Lautem na’in 3, Manatuto na’in 2, RAEOA na’in 15 no Vikeke na’in 4.

“Husi kazu detetadu ne’e, na’in 28 ka 32,1% mak hatudu sintomas, na’in 25 ka 29% simu ona vasina doze kompletu no na’in 10 ka 11% simu ona vasina doze dahuluk,” dehan nia iha komunikadu ne’ebé Online INDEPENDENTE asesu, sesta ne’e.

Aleinde, SIJK mós rejista pasiente ne’ebé rekupera husi Covid-19 hamutuk na’in 163 no kazu ativu ne’ebé baixa hela iha Izolamentu hamutuk 1.918.

Totál komulativu kazu konfirmadu sura husi loron 21 fulan-Marsu tinan 2020 to’o loron 17 fulan-Setembru tinan 2021 hamutuk 18.943.

Entretantu, ba kazu mate ne’e, Rui relata, sidadaun mane ida ho idade 76, hela iha Dili no seidauk simu vasina, diagnóstikadu ho sindroma insufisiénsia respiratória aguda (SIRA) tanba Covid-19, iha HNGV iha loron 14 fulan-Setembru tinan 2021.

Enkuantu, matebian ne’e sofre mós moras diabetes, nune’e ohin tuku 08.45 matebian hakotu-iis iha Izolamentu Vera Cruz.

Familia kolabora ho ekipa saúde, hodi hala’o funeral tuir protokolu ne’ebé adopta iha Timor-Leste.

Ho nune’e, tuir dadus husi SIJK ema ne’ebé mate ho Covid-19 hamutuk na’in 103.

Read 260 times
Rate this item
(0 votes)