Sexta, 24 Setembru 2021 | Login
Tebela Covid-19 ne'ebe rezistu iha Munisipiu sira. Tebela Covid-19 ne'ebe rezistu iha Munisipiu sira.

15 Juñu: Kazu Foun 71 ho Rekuperadu 206 Featured

DILI:Sala Situasaun Sentru Integradu Jestaun Krize (SIJK) relata ohin (15/06), ekipa konjunta saúde rezista tan kazu foun 71, rekuperadu 206 no kazu ativu iha izolamentu hamutuk 1,354.

Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo hatete, kazu foun ne’ebé relata ohin, iha Kapital Dili na’in 44, Baucau 21, Ainaro 4, Vikeke 1 no Ermera na’in 1.

“Total kazu detetadu foun ohin, iha proporsaun kazu sintomatiku hamutuk pursentu 12,2,”dehan nia iha komunikadu, tersa ohin.

Enkuantu, total komulativu kazu konfirmadu hahú husi loron 21 fulan-Marsu tinan 2020 to’o loron 15 fulan-Juñu tinan 2021 hamutuk 8,412.

Nune’e, husi horseik (14/06) mai ohin, teste PCR ne’ebé Laboratirium Nasional Saúde halo iha Dili hamutuk 1,100 kompostu husi, Vijilansia sentinel na’in 4, Contact tracing 55, Random Screening 143, Viajem sai husi serka sanitaria Dili 760, Viajen internasional 116 no Follow up iha kuarentena hamutuk 22.

Aliende, total PCR ne’ebé halo iha Munisipiu sira seluk, RAEOA no HNGV hamutuk 560, kompostu husi Munispiu Baucau 100, Ermera 145, Maliana 54, Maubisse 110, Suai 43, Vikeke 18, RAEOA 10, no HNGV 80.

Entretantu, iha izolamentu vera Cruz, ohin halo tratamentu ba kazu detetadu hamutuk na’in 29. Iha area Obstetria na’in 4 kategoria leve hotu, no medisina interna na’in 25.

 

Asistente Editor: Saturnina da Costa

 

Read 142 times
Rate this item
(0 votes)