09 Novembru: SIJK Rejista Hikas Kazu Foun Covid-19

By Saturnina da Costa Novembru 09, 2021 282
Mediku sira ne'ebe halo tratamentu ba kazu positivu Covid-19 iha Izolamentu. Foto:INDEPENDENTE. Mediku sira ne'ebe halo tratamentu ba kazu positivu Covid-19 iha Izolamentu. Foto:INDEPENDENTE.

DILI: Sala Situasaun Sentru Integradu Jestaun Krize (SIJK), ohin (09/11) rejista hikas kazu foun Covid-19 iha na’in lima (5).

Kordenador Forsa Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo, hatete, ema ne’ebé hala’o tratamentu ospitalizadu na’in 2 ba kazu leve.

Ho nune’e, iha munisipiu 9 ho RAEOA laiha ona kazu ativu no munisipiu 3 seluk sei iha kazu esporádiku.

“Husi kazu detetadu foun 5 ne’e, iha Dili rejista kazu 4 no Kovalima iha kazu ida,”dehan nia komunikadu ne’ebé Online INDEPENDENTE asesu, tersa ne’e.

Enkuantu, iha loron 09 Novembru 2021, SIJK la rejista kazu rekuperadu, maske nune’e, kazu ativu iha Izolamentu sei iha na’in 10.

Total komulativu kazu konfirmadu sura husi loron 21 fulan-Marsu 2020 to’o loron 09 Novembru 2021 hamutuk 19.804.

Entretantu, husi horseik (08/11) mai ohin, teste PCR ne’ebé Laboratóriu Nasional Saúde halo iha Dili hamutuk 114, kompostu husi, contact tracing na’in ida, random screening na’in 56, viájen internasional na’in 29 no follow up iha kuarentena hamutuk na’in 28.

Aleinde, teste PCR ne’ebé halo horseik (08/11) iha munisipiu sira seluk, RAEOA no HNGV hamutuk 212.

Atu hatene surtu nia evolusaun no mós surtu ne’e aumenta ka diminui, indikador ida ne’ebé matenek na’in epidemolójia nian uza mak insidénsia.

Konvensionalmente insidénsia sukat total kazu foun kada loron pur 100 mill abitante no hatudu risku ne’ebé populasaun iha atu hetan da’et moras ida.

Tanba ne’e, SIJK nafatin apela ba populasaun sira atu mantein uza maskara, distansiamentu, no fase lima bebeik ho sabaun no mós uza dezinfetante ruma.

Rate this item
(0 votes)

Independente Digital TV