Kinta, 28 Outubru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-10-26&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Koveiru sira hakoi ema nee'ebe mate ho Covid-19. Foto:INDEPENDENTE. Koveiru sira hakoi ema nee'ebe mate ho Covid-19. Foto:INDEPENDENTE.

07 Setembru: Numeru Positivu Iha Dili Sa’e Ba 122, Mate Na’in 3

DILI: Sala Situasaun Sentru Integradu Jestaun Krize (SIJK) ohin (07/09) relata, ekipa konjunta saúde rejista tan numeru positivu iha Kapital Dili sa’e ba  na’in 122, kompara ho loron horseik (06/09) iha na’in 56.

Enkuantu, ekipa konjunta rejista mós sidadaun Timor-Oan na’in tolu mate ho Covid-19 iha Óspital Nasional Guido Valadares (HNGV) no Sentru Saúde Ataúro.

Kordenador Forsa-Tarefas ba Prevensaun no Mitigasaun iha Timor-Leste, Dr. Rui Maria de Araújo hatete, kazu detetadu foun ohin rejista mós iha Munisipiu Baucau iha kazu 25, Lautem 9, RAEOA 8, Ainaro 7, Bobonaro 6, Aileu 3, Covalima 2, Manufahi 3 no Vikeke iha kazu 5.

“Husi kazu detetadu foun ohin, iha kazu 22 (27,5%) mak hatudu sintomas. Nune’e, iha kazu positivu na’in 55 (28%) mak hetan ona vasina kompletu no kazu 23 (12%) sei hetan vasina doze dahuluk,”dehan nia iha komunikadu ne’ebé Online INDEPENDENTE, asesu tersa ne’e.

Ho nune’e, SIJK mós rejista pasiente rekuperadu husi moras Covid-19 iha na’in 379 no kazu ativu ne’ebé baixa iha Sala Izolamentu hamutuk na’in 3.941.

Total komulativu kazu konfirmadu sura husi loron 21 fulan-Marsu tinan 2020 to’o loron 7 fulan-Setembru tinan 2021 hamutuk 17.888.

Rui relata, sidadaun Timor-Oan na’in tolu ne’ebé mate, na’in rua seidauk vasina no na’in ida hetan ona vasina kompletu.

“Matebian mane dahuluk ho idade 52, hela iha Dili no iha loron 6 fulan-Setembru tinan 2021, diagnóstikadu iha Óspital Nasional Guido Valadares (HNGV), ho sindroma insufisiénsia respiratoria aguda (SIRA) tanba Covid-19. Matebian sofre mós AVC iskémiku. Nune’e matebian hakotu-iis iha segunda (06/09) kalan, tuku 20:50 oras Timor-Leste,”tenik Rui.

Enkuantu, matebian mane daruak ho idade 49, hela iha Dili, hetan ona vasina kompletu, ohin madrugada diagnóstikadu iha HNGV ho sindroma insufisiénsia respiratoria aguda (SIRA) tanba Covid-19. Nune’e hala’o tratamentu iha Izolamentu Vera Crus no ohin dader tuku 06:55 hakotu-iis.

Aleinde, iha feto na’in ida ho idade 59 hela iha Postu Administrativu Ataúro no sidadaun ne’e seidauk hetan vasina. iha loron 6 fulan-Setembru tinan 2021 diagnóstikadu iha Ataúro ho sindroma insufisiénsia respiratoria aguda (SIRA) tanba Covid-19. Matebian iha mós istoria sofre tuberkoluze no anemia. Nune’e, matebian hakotu-iis ohin, iha tuku 14:20 oras Timor-Leste.

Familia husi matebian na’in tolu kordena ona ho ekipa konjunta saúde atu hala’o funeral tuir protokolu ne’ebé adopta iha Timor-Leste.

Ho nune’e, husi horseik (06/09) mai ohin teste PCR ne’ebé Laboratóriu Nasional Saúde halo iha Dili hamutuk na’in 582 kompostu husi, Vijilansia sentinela na’in 24, Contact tracing na’in 34, Random Screening na’in 81, Viajen sai husi serka sanitaria husi Dili na’in 239, Viajen internasional na’in 160 no Follow up iha kuarentena hamutuk na’in 54.

Teste PCR ne’ebé halo horseik (06/09) iha Munisipiu sira seluk, RAEOA no HNGV hamutuk 581.

Ohin, iha Izolamentu Vera Crus, Lahane, HNGV no fatin sira seluk iha teritoriu laran tomak hala’o tratamentu hospitalizadu ba kazu detetadu hamutuk na’in 96, kompostu husi kazu grave na’in 12, kazu moderadu na’in 55 no kazu leve na’in 29.

Tanba ne’e, SIJK nafatin apela ba populasaun sira atu kolabora no kontribui atu virus SARS-CoV-2, inklui variante Delta labele hada’et ba ema barak. Nune’e nafatin hela iha uma bainhira la presiza atu sai.

Read 557 times
Rate this item
(0 votes)