Tribunál Aplika Aprezentasaun Periódika ba Dosente UNTL Featured

By Martinha Gusmao Marsu 26, 2019 6107
Ilustrasaun desizaun Tribunal. FOTO: kompas.com Ilustrasaun desizaun Tribunal. FOTO: kompas.com

DILI: Tribunál Munisipál Dili (TMD) liu husi interrogatóriu dahuluk aplika pena medida koasaun aprezentasaun periódika fulan ida dala ida ba Dosente Universidade Nasionál Timor Leste (UNTL) ka Arguidu ho inisiál CL.

Iha interrogatóriu dahuluk ne’e, Ministériu Públiku promove ba tribunál atu aplika pena prizaun preventiva tanba  komete kazu korrupsaun pasiva (subornu)  ne’ebé bazeia ba artigu 292 husi kódigu penál ne’ebé modula penál tinan tolu to’o tinan 15.

Iha Prosesu Julgamentu, Juis titulár Maria Modesta, hateten  tribunál aplika medida koasaun aprezentasaun periódika ba arguidu CL (dosente UNTL) atu hein prosesu investigasaun ne’ebé ministériu públiku sei hala’o.

Tanba, nia dehan, Tribunál haree katak kazu ne’e rasik la prienxe kritériu no signifika laiha evidénsia forte.

Arguidu nia defeza dehan kazu ne’e tama iha prosesu  pasiva entaun tenke mós ativu.

Nia dehan, Tribunál fundamentu tebes tanba arguidu ne’e ida de’it ne’ebé kazu ne’e la prenxe rekizitu ne’ebé previstu iha artigu 143 husi kódigu prosesu penál TL.

 “Ha’u konsidera aprezentasaun periódika ne’e normál tanba  sei iha prosesu investigasaun nia laran. Ita sei hein prosesu  nia kontinuasaun,” dehan defeza ba Jornalista sira, iha Tribunál- Dili, Kinta foin lalais ne’e.

Tuir Kronolojia kazu, iha segunda foin lalais ne’e iha Largo Lesidere  arguidu CL (dosente UNTL) deskonfia simu subornu husi estudante.

Iha momentu ne’e,  KAK haree  flagrante de Lito (Tangkap Basah) mak kaer  arguidu  ba detein iha sela KAK durante 72 oras nia laran.

Audiénsia julgamentu ne’e prezide husi Juis titulár Maria Modesta, Ministériu Públiku reprezenta husi prokuradór Rogerio Viegas arguidu hetan legál husi advogadu privadu Octávio de Araújo.

Rate this item
(0 votes)

Independente Digital TV