Reprezentante Familia Mauk Moruk, Mateus Inacio hatete, Mauk Moruk mate hanesan traidór no la kondena ema ne’ebé oho.
“Husu Prezidente Republika esplika kona-ba Mauk Moruk nia mate hanesan traidor ka oinsa?,” dehan Mateus bainhira hala’o dialogu ho PR Taur iha Sede Suku Metiaut-Dili, Sabadu (04/02).
Nia prekupa mós kona-ba sistema justisa iha Timor-Leste, relasiona ho kazu Mauk Maruk nia mate, tanba prosesu ba Mauk Moruk nian iha Tribunal laiha, maibé iha de’it mandadu kapturasaun hodi halo inkeritu.
Hatan ba ida ne’e, PR Taur deklara hanesan Xefe Estadu nia mak lori hotu sala ne’ebé halo ona.
“Ha’u lakohi ko’alia agora, se ha’u la’os Mauk Moruk nia alin karik ha’u ko’alia, maibé nia mate ona, liu ona. Hanesan aman ha’u mak lori sala hotu,” dehan PR Taur.
