Kinta, 22 Abril 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-04-20&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Dr. Rui Dr. Rui

Na’in 1 Deteta Positivu Covid-19, Hafoin Husu Rasik Teste Swab Featured

DILI:Ema na’in ida iha Dili deteta positivu Covid-19, hafoin nia rasik husu teste swab liuhusi laboratoriu nasionál hodi hetan autorizasaun esepsionál sai husi serka sanitaria Dili, ba Covalima.

Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, ohin loron 22 fulan-Marsu 2021, Sala Situasaun Sentro Integrado Jestun Krize deteta tan kazu foun 9, husi munisipiu Dili na’in 4, Munisipiu Lautem na’in 1 no Munisipiu Vikeke na’in 4, nune’e kazu ativu ne’ebé baixa iha sala izolamentu sa’e ba 211.

Entre munisipiu tolu ne’ebé afeitadu, na’in ida husi Munisipiu Dili mak detetadu hafoin nain rasik husu testu swab hodi hetan autorizasaun husi Dili ba Covalima.

Dr. Rui esplika katak, na’in ida ne’e, hela iha Aninfuik, Suku Kampo Alor, Posto Administrativu Dom Aleixo.

“Pozitivu ida ne’e detetatu iha teste atu hetan autorizasaun esepsionál sai husi serka sanitaria Dili, ba Covalima. Kazu ida ne’e, estudante UNPAZ, Fakuldade Direto, hahú iha sintomas iha loron 18 fulan marsu 2021,”dehan Dr. Rui liuhusi telekonferensia, segunda ohin, iha CCD Dili.

Tanba ne’e, Dr. Rui hatete, ekipa konjunta saúde sei buka tuir kontaktu sira husi suspeitu ne’e.

Pasiente ne’e agora baixa hela iha sala izolamentu.

SIJK nafatin apela ba populasaun ne’ebé saí husi Dili ba munisipiu sira seluk, entre loron 5 to’o loron 9 fulan marsu madrugada, molok serka sanitaria hahú tama iha vigor iha Dili, atu favor ida aprezenta-an ba autoridade saúde sira ne’ebé besik-liu, iha imi nia hela fatin, hodi bele hetan atendimentu.

Apela mós ba komunidade iha munisipiu sira hotu, wainhira

hatene kona-ba ema ruma ne’ebé sai husi Dili molok serka sanitaria hahú iha Dili, halo favor informa hela autoridade sira atu bele halo atendimentu ba sira.

Apela mós ba populasaun iha Munsipiu Dili no mós munisipiu sira seluk: wainhira sente isin manas, kakorok moras, inus-ben, mear, favor hakat ba Sentru Saúde ne’ebé besik-liu atu bele hetan atendimentu.

Apela ba populasaun Timor-Leste tomak, liu-liu iha Munisipiu Dili, Baucau, Viqueque ho Lautém, atu nafatin hakmatek iha uma-laran. Favor lalika buka halibur malu. bainhira sai husi uma, labele haluha proteje-an nafatin ho meius hanesan:

(a) Uza mascara;

(b) fase liman beibeik ho sabaun ka dezinfetante ruma;

(c) evita kose liman ba matan, inus ho ibun;

(d) wainhira kumprimenta malu, lapresiza ka’er liman, bensa-liman, rei-malu ka haku’ak malu;

(e) evita halibur malu barak;

(f) hamri’ik ka tur do’ok husi ema seluk, mínimu metru ida ho balun.

 

Jornalista: Saturnina da Costa

Editor: Jose Sarito Amaral

Read 478 times Last modified on Segunda, 22 Marsu 2021 18:04
Rate this item
(0 votes)