Lere Husu Arte Marsiál Lalika Mangame

By Humberto dos Santos Janeiru 26, 2017 9462
Majór Jenerál Lere Anan Timur, Xefe Estadu Maiór Jenerál F-FDTL. Majór Jenerál Lere Anan Timur, Xefe Estadu Maiór Jenerál F-FDTL.

DILI: Xefe Estadu Maiór Jenerál FALINTIL Forsa Defeza Timor-Leste (F-FDTL), Majór Jenerál Lere Anan Timur, husu ba membru arte marsiál sira atu lalika mangame hodi hamosu instabilidade tanba laiha ona toleránsia. 

Iha Suku Kuluhun-Dili, komunidade sira sente la hakmatek, tanba ta'uk asaun husi arte marsiál halo sira kaniku.

Lere rekoñese katak, uluk lei fraku mak arte marsiál sira kontrola Dili laran, maibé iha Timor-Leste ema ida ka organizasaun labele boot liu Estadu.

Tanba ne’e, husu ba arte marsiál sira di'ak liu tuur hakmatek. Sira ne'ebé hamosu beibeik konflitu ne'e lakohi ukun-aan ne'ebé di'ak liu ba Atambua. 

“Se Ó Timoroan entaun Ó hadomi Ó nia rain. Nasionalizmu tenke boot,” dehan Jenerál Lere iha Palasiu Prezidensiál Ai-Tarak Laran, horisehik. 

Rate this item
(5 votes)

Independente Digital TV