Domingu, 16 Maiu 2021 | Login
Komunidade Fa'an ai maran Komunidade Fa'an ai maran

Komunidade Husu Kria Lei Kombate Tesi Ai ba Fa'an

DILI: Komunidade sira iha Suku Santa Cruz husu Governu atu kria lei ba ema ne'ebé tesi ai-horis hodi ba fa’an.

Komunidade Suku Santa Cruz, Manuel Saldanha ‘Asu Hakat’ hateten, Governu halo ona tara bandu fatin hotu-hotu ba ema sira ne'ebé tesi ai-horis ba fa’an fali, maibé kontinua kontra nafatin. Ne’e duni, presiza iha lei hodi bele kombate hahalok ne’e.

“Importante oinsá Governu tau ona lei ruma ba ida ne’e,” dehan nia, liu husi diskusaun komunitaria entre Prezidente Repúblika ho komunidade Suku Santa Cruz, Sábadu (28/1).

Responde ba pergunta ne’e, Prezidente Repúblika, Taur Matan Ruak hateten, kona-ba ida ne’e problema boot. Tanba Governu hatún ona lei, maibé komunidade laiha konxiénsia atu evita hahalok.

“Ne’e problema boot ida. Ba ita ema ne'ebé tesi ai, ita haruka sira bandu mós arraska uitoan,” dehan PR Taur Matan Ruak.

Tanba ne’e, Xefe Estadu informa tempu oin mai bele buka alternativa ida bele evita hahalok sira ne'ebé komunidade sira halo ne’e.

“Tempu oin mai ita tenke hare alternativa ida atu nune’e bele evita hahalok sira ne’e,” dehan nia. 

Read 827 times Last modified on Segunda, 30 Janeiru 2017 09:34
Rate this item
(0 votes)