Kazu Emília Pires Kontinua Pendente iha Tribunál Featured

By Jacinto Xavier Fevereiru 22, 2019 5948
 Eis Ministra Finansas, Emilia Pires. FOTO:doc Eis Ministra Finansas, Emilia Pires. FOTO:doc

DILI: Kazu eis Ministra Finansas Emilia Pires, sei kontinua pendente iha Tribunal desde nia sees aan husi justisa Timor nian.

Prezidente Tribunál Rekursu (PTR) Deolindo dos Santos hateten, kazu eis ministra Finansas Emilia Pires agora dau-daun sei pendente hela iha Tribunál.

“kazu ne’e ha’u labele fó sai, tanba ne’e sei pendente hela iha ne’ebá” dehan nia iha PN horisehik.

Maski nune’e, kazu sira seluk ne’ebé pendente iha Tribunál hahú prosesa ona tanba uluk iha Tribunal Rekursu juis nain tolu de’it, maibé agora aumenta hamutuk nain lima ona.

Hein katak, desizaun ne’ebé halo ho forma la lalais liu, maibé la’o diak ona, to’o iha primeira instánsia komesa la’o ona, hein katak iha tempu besik bele fasilita diak liu tan servisu tribunál nian. 

Antes ne’e, deputadu husi Bankada FRETILIN Mariano Mota preokupa ho ema sira ne’ebé deskonfia envolve iha kazu korrupsaun, koluzaun no nepotizmu (KKN), bainhira mak Tribunal notifika, tanba  balun halai tiha husi justisa.

“ha’u hakarak husu bainhira mak estadu Timor lori eis ministra finansas Emilia Pires mai tuir julgamentu” dehan nia iha PN foin lalais ne’e.

Rate this item
(0 votes)

Independente Digital TV