×

Atenção

JUser: :_load: Não foi possível carregar usuário com ID: 425

Dadur Sira Labele Han Toba De’it Featured

By Fevereiru 03, 2017 1740
Primeira Dama Isabel Fereira komprementa dadur sira iha Prizaun Bekora Primeira Dama Isabel Fereira komprementa dadur sira iha Prizaun Bekora Foto STL

DILI : Tuir observasaun defisiente Alcino Calvalho husi suku Bairo Pite kona ba  regras ne’ebé aplika ba dadur sira mak oras ne’e iha hela prizaun ladún di’ak tanba loron kalan han toba deit.   

Nune’e nia husu ba Prezidente da Repúblika (PR) Taur Matan Ruak atu iha mandatu estadu no governu foun tenke halo mudansa ba sistema, labele sulan de’it iha kadéia, maibé prepara fatin  hodi halo to’os, la’os ema kriminozu han toba deit.

Alcino fó sai  nia observsaun ne’e iha sesaun pergunta ba Prezidente da Repúblika (PR) Taur Matan Ruak iha diálogu komunitária suku Bairo Pite Kuarta (01/02).

Nia la konkorda bainhira ema kriminozu sira ba sulan tiha hotu iha prizaun Bekora no Glenu, depois han toba la halo buat ida.

Defisiente nee husu ba nai ulun sira atu hare programa di’ak ida ne’ebé bele foo servisu ba dadur sira atu produz rasik aihan hodi han. Tanba iha Timor ne’e rai mamuk sei lu’an natar mos hektares barak  no estadu seidauk utiliza didiak.

Hatán ba observasaun ne’e, Prezidente da Repúblika (PR) Taur Matan Ruak rekonhese katak, dadur sira iha prizaun Bekora no Glenu ne’e, uluk Governu iha ona planu ida atu muda sistema ne’e, maibé hein de’it ba mandatu tuir mai bele halo mudansa.

“Uluk governu ko’alia ona atu muda sistema, nune’e dadur nain sira halo serbisu mak bele han. Ita hein sei to’o tempu ida para ita muda ita nia politika kona ba dadur na’in sira tenki serbisu mak han,” dehan Taur.

Prezidente mos promete atu iha futuru sei hadia diak liu tan dixiplina iha prizaun. 

Rate this item
(0 votes)

Independente Digital TV