Migrasaun Hatama Osan $261 Ba Kofre Estadu

By Artur da Luz Janeiru 25, 2017 1288

DILI: Servisu Migrasaun (SM) durante tinan 2016 konsege rekolla taxa ho montante $261.500 hodi hatama ba kofre estadu.

Osan sira ne’e rekolla hosi servisu operasaun ekipa SM hodi kontrola traballadór rai liur ne’ebé viola halo infrasaun ba viola vistu servisu.

“Osan $261.500 ne’e ita hatama ba kofre estadu ne’e mai husi infrasaun hirak ne’ebé ita rekolla durante tinan 2016,” informa Asistente Inspetór  SM, Vicente Gusmãoba jornalista iha nia servisu Vila Verde Dili, Tersa (24/1).

SM ba tinan 2017 sei kontinua halo operasaun ba traballadór rai li'ur ne’ebé uza pasaporte turista servisu iha TL, vistu mate no viola regra sei selu multa no haruka fila.

Nia dehan, ema estranjeiru sira ne’ebé SM prende maioria servisu nu’udar negosiante kiik, no balun servisu iha kompañia lokál no  internasionál.

Tuir lei, bainhira kaer sidadaun estranjeiru viola vistu sei selu multa $250 kada ema ida. Nune’e mós ba kompañia ida maka viola vistu traballadór sei selu multa$ 500 kada ema ida. 

Rate this item
(1 Vote)

Independente Digital TV