×

Atenção

JUser: :_load: Não foi possível carregar usuário com ID: 428

MEKAE Komitementu Promove Produtu Lokál iha Merkadu Internasionál

By Fevereiru 07, 2017 1308
Ministru Estadu Koordenadór Asuntu Ekonómiku no Ministru Agrikultura Peskas (MEKAE), Estanilau Aleixo da Silva Ministru Estadu Koordenadór Asuntu Ekonómiku no Ministru Agrikultura Peskas (MEKAE), Estanilau Aleixo da Silva

LAUTEM:Ministru Estadu Koordenadór Asuntu Ekonómiku no Ministru Agrikultura Peskas (MEKAE), Estanilau Aleixo da Silva dehan, governu kontinua promove produtu lokál Timor hanesan, Vanila, Kakau, Kafé Rebustu, Ai Kameli ba merkadu internasionál.

Produtu sira ne’ebé temi oras ne’e daudauk ninia presu iha merkadu internasionál fa'an karun tebes.

Ne’e duni, governu sei promove produtu hirak, hodi bele hasa’e prestasaun servisu povu badinas kuda produtu barak liután iha Timor.   

“Ida ne’e importante tebes hodi habelar agrikultura iha ita nia rai laran no aumenta rendimentu populasaun agrikultura nia servisu,” dehan Estanislau durante vizita sentru viveiru kakau, vanila iha Suku Fuloru, Sábadu (4/02).

Ministru ne’e agradese inisitiva populasaun Fuiloru, Aldeia Pato ne’ebé hetan apoiu husi CCT promove no habelar liu tan produtu vanila no promove kuda kakau, kafé rebusta ne’ebé fó asisténsia téknika.

Iha vizita ne’e, Estanislau ho nia tékniku sira haree diretamente sentru viveiru rihun maka kuda iha ne’ebá.

Iha tinan hirak mai ne’e, bainhira ai horis sira ne’e moris di’ak sei halo populasaun produs osan barak liután.

Vanila nia valór no presu karun tebes, tanba bele uza ba halo dosi, mina morin bele halo mós ba tua sai morin.

Iha fatin hanesan Diretór CCT, Xisto Ximenes hatete sira estabelese sentru viveiru hahú iha tinan 2012.

Programa ne’e hetan apoiu fundus mós husi Governu Amerikanu hodi implementa ona iha Baukau,Vikeke no Luatem.

Iha sentru viveiru sira ne’e, sira forma ona komunidade hodi harii grupu para ema ida-idak responsabiliza ba nia servisu.

Ba fatin sira ne’ebé kuda ona ai horis sira ne’e, komunidade sira halo mós  lutu hodi proteje hosi animál.

Kritériu atu koleta vanili, haree ia fuan sira ne’e tasak di’ak ona foin organiza malu halo kolleita.

 

 

            

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31