KRO Konklui OJE 2019 Biliaun $1.350, Posibilidade Aumenta Tokon $300 Featured

By Artur da Luz Outubru 30, 2018 7078
Diretór Jerál Finansas Estadu Ministériu Finansas, Januário da Gama Diretór Jerál Finansas Estadu Ministériu Finansas, Januário da Gama

DILI: Komisaun Revizaun Orsamentu (KRO) konklui ona Orsamentu Jerál Estradu (OJE) 2019 hamutuk biliaun $1.350. Maski nune’e, posibilidade sei aumenta tan tokon $300, iha diskusaun Konsellu Ministru.

Orsamentu adisional ne’e nu’udar rezerva ba proposta ne’ebé aprezenta husi Instituisaun autónomu estadu no mós liña ministeriál hamutuk tokon $600.

Diretór Jerál Finansas Estadu, Ministériu Finansas, Januário da Gama hateten, husi OJE 2019 biliaun $1.350, sei hasai tokon $350 hodi sosa asaun ConocoPhillips, ne’ebé Estadu Timor-Leste ho kompañia konkorda hamutuk ona.

Nune’e, OJE tinan fiskál 2019 nian hela de’it biliaun $1. Maibé, haree ba nesesidade husi instituisaun autónomu no liña ministeriál la sufisiente, tanba ne’e ezije atu aumenta valór.

Ne’e duni, aumenta plafond orsamentu tokon $300 hodi rezolve despreza nasionál 2019. Tanba Governu sei implementa programa prioridade hitu atu implementa hanesan infraestrutura, saúde, edukasaun, agrikultura, desentralizasaun administrativu, turizmu ho setór privadu.

Nia hatutan, husi totál proposta adisional ne'ebé tama, ekipa KRO MF husu liña ministeriál ho intuisaun Estadu tenke asegura prinsípiu orsamentu fiskál ho transparénsia no akontabilidade hodi garante OJE la’o di'ak.

Tuir planu, iha loron 6 Novembru 2019, ekipa KRO sei aprezenta proposta lei ho tetu finál iha Konsellu Ministru hodi hetan aprovasaun finál, nune’e bele aprezenta no diskute.

Rate this item
(0 votes)
Last modified on Tersa, 30 Outubru 2018 12:17

Independente Digital TV