×

Atenção

JUser: :_load: Não foi possível carregar usuário com ID: 428

Implementasaun OJE 2017 Foin Ultrapasa 30% Featured

By Tomé Amado Maiu 30, 2017 1393
PM Rui PM Rui

DILI:VI governu Konstitusionál sei taka ninia servisu iha fulan Agostu tinan ne'e.

Implementasaun Orsamentu Jerál Estadu (OJE) 2017, ultrapasa 30 % ho diferensa variasaun entre ministériu.

“Agora daudaun ultrapasa ona 30%. Maibé, ninia variasaun ne’e entre ministériu sira la hanesan”, Primeiru Ministru Rui Maria de Araújo hato’o informasaun ne’e ba jornalista sira iha salaun konferénsia imprensa pallasu governu, Segunda (29/05).

Governu ne’e nia mandatu sei to’o fulan Agostu no orsamentu ne’ebé aprovadu la'ós  de’it to’o  Agostu, maibé to’o Dezembru.

Xefe governu hatutan, Ministériu hotu iha ona instrusaun atu halo avaliasaun interna.

Avaliasaun ne’e atu haree planu anuál sira ne’ebé ninia gastu sei to’o Agostu para tenke realiza.

Maibé, metade husi orsamentu Agostu ba Dezembru, tuir PM Rui katak husik governu foun mai mak sei foti desizaun atu halo despeza sira ne’e ba oin.

Nia dehan, orsamentu sira ne’e la'o baibain hanesan estrutura orsamentál ne’ebé kada tinan iha, inklui saláriu vensimentu, saláriu bens servisu, kapitál dezenvolvimentu no  kapitál menór.

Rate this item
(0 votes)
Last modified on Kinta, 01 Juñu 2017 10:49

Independente Digital TV