×

Atenção

JUser: :_load: Não foi possível carregar usuário com ID: 430

Governu Planu Regulariza Movimentu Konteiner Featured

By Ligia Noronha Marsu 20, 2018 1083
Roo hatuun kontentor iha Portu Dili Roo hatuun kontentor iha Portu Dili

DILI: Governu liu husi Ministériu Dezenvolvimentu Transporte no Telekomunikasaun (MDTT) planu ona atu regulariza oras ba movimentu konteiner iha Dili laran.

 Vise-Ministru Inácio Moreira hatete, ema barak preokupa movimentu transporte konteiner tanba dezastre. Ne’e duni, sira hahú atu halo prevensaun hodi bele evita dezastre tráfiku.

Ita presiza duni hodi regula, maibé tuir kondisaun ne’ebé ita enfrenta hela. Se kalan labele, ha’u hanoin sira halo movimentu iha oras balun iha loron nian,” dehan nia, iha knaar fatin, Kaikoli-Dili, Sesta (16/3).

Governante ne’e dehan, kona-ba atu normaliza movimentu hotu ba konteiner husi husi portu ba fatin destinu ida iha ona regulamentu ne'ebé produs iha tempu IV Governu Konstitusionál, ne’ebé fó tempu movimentu iha kalan.

Maski nune’e, la konsege implementa tanba kondisaun seguransa iha dalan ai laiha. Ne’e duni kuandu desizaun ne’e re-ativa fali funsionáriu ne’ebé lori karreta sei husu ninia direitu saláriu boot duke sira servisu loron.

Tanba ne’e, hahú agora tenke fó ona atensaun, liuliu ba sinais tránzitu nune’e haree mós ba velosidade halai nian, tanba kondutór sira mós malandru mak problema.

Ho asidente sira ne’ebé akontese liu liu iha kapitál Dili sira sei haree hodi propoin hodi bele regula nune’e bele normaliza atu labele runguranga iha estrada ne’ebé liga ba dezastre tráfiku.

Polítika seluk ne’ebé Governu hanoin ona maka atu eskola ba karta kondisaun, nune’e bele evita karik kondutór sira balun laiha koñesimentu kle'an, karik liu husi eskola aprende no hatene kona-ba sinais tránzitu ne’e nian. 

Rate this item
(0 votes)
Last modified on Tersa, 20 Marsu 2018 15:04

Independente Digital TV