×

Atenção

JUser: :_load: Não foi possível carregar usuário com ID: 424

JUser: :_load: Não foi possível carregar usuário com ID: 428

CCI-TL -BRI Diskute Polítika Fó Kréditu Ba Setór Privadu

By Marsu 24, 2017 3326
Prezidente Camara Comersiu Indústria Timor –Leste (CCI-TL), Óscar Lima ho Vice Prezidente, Rui Castro no Vice Prezidente, Eduardo Belo ‘Gatto’ hala’o enkontru ho Jenerál Manajer, Bank Rayat Indonesia (BRI), Bernandus Nadapdap Prezidente Camara Comersiu Indústria Timor –Leste (CCI-TL), Óscar Lima ho Vice Prezidente, Rui Castro no Vice Prezidente, Eduardo Belo ‘Gatto’ hala’o enkontru ho Jenerál Manajer, Bank Rayat Indonesia (BRI), Bernandus Nadapdap Foto: CCI-TL

DILI: Prezidente Camara Comersiu Indústria Timor –Leste (CCI-TL), Óscar Lima ho Vice Prezidente, Rui Castro no Vice Prezidente, Eduardo Belo ‘Gatto’ hala’o enkontru ho Jenerál Manajer, Bank Rayat Indonesia (BRI), Bernandus Nadapdap hodi diskute kona-ba polítika kooperasaun servisu BRI fó kréditu ba emprezáriu ki'ik sira.

Iha primeiru enkontru ne’e, Óscar lima introdus servisu CCI-TL nu’udar mahon ba setór privadu no halo servisu koopera ho estadu TL hodi kontribui ba prosesu dezenvolvimentu.

Tanba ne’e, Óscar Lima dehan, CCI-TL presiza servisu hamutuk ho BRI hodi haree sistema fó kréditu ba setór privadu TL hodi uza osan hala’o investimentu iha Timor-Leste.

Nia dehan, BRI nu’udar banku boot iha Indonézia ne’ebé loke ninia sukursál iha nasaun ASEAN inklui TL.

Kona-ba polítika fó kréditu ba setór privadu Óscar dehan BRI prontu prepara osan fó kréditu ho funan ki'ik.

Importante iha sistema kréditu ne’e, BRI husu atu kliente sira tenke koopera ho halo tuir regra saida de'it maka BRI sei estabelese hodi evita kréditu macet akontese.

“Ami ko’alia mós kona -ba jurus kréditu, ne’e duni sira hateten primeiru kréditu osan husi $200-$20.000, maibé komu sira foin mai ne’ebé tenke halo estudu didi’ak para fó kréditu ba ema ne’e labele macet fali,” dehan Óscar   ba jornalista iha edifísiu BRI, Kolmera Dili, Kinta (23/03).\

Hakarak Sai Membru CCI-TL

Entretantu iha parte seluk, BRI mós prontu atu sai membru CCI-TL hodi kontribui servisu ba susesu banku nian ho di’ak liután.

BRI nu’udar banku antigu ne’ebé uluk iha tempu Indonézia ukun TL loke mós iha TL.

Tuir planu, CCI-TL no BRI sei hala’o enkontru ho emprezáriu Timoroan tomak hodi esplika kona-ba polítika BRI mai loke investimentu banku iha TL.

Iha fatin hanesan, Manajer Banku BRI, Bernandus Nadapdap  sira nia parte sente kontente ho enkontru ne’e hodi introdus politika banku BRI ba Prezidente CCI-TL.

Nia dehan, mezmu BRI foin maka loke iha TL, maibé sira hakarak fó kréditu ba setór privadu TL hodi kontribui ba prosesu dezenvolvimentu.

“Ami presiza servisu hamutuk ho emprezáriu sira hodi nune’e negósiu iha Timor-Leste bele dezenvolve di’ak liu tan,” dehan Bernandus.

Nia hatutan, iha fatin ne’ebé de’it ema bele halo komunikasaun ba malu para fasil atu koñese malu. Ne’e duni banku sira ne’ebé eziste iha Timor-Leste bele partisipa hotu.

“Atu sai membru ba CCI-TL ba ha’u la problema, tanba ita iha asosiasaun iha banku ninia okos, maibé KADIN (Kamar Dagan Industri) TL mós hanesan empreza,” tenik nia.

BRI mós sei fahe informasaun ba emprezáriu Timoroan tomak hodi hatene kona-ba oinsá emprezáriu sira fó osan iha banku hodi uza halo investimentu no maneja osan ho susesu liutan hodi labele halo osan lakon de’it.

                        

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31